Otea 7 - Te B'aib'ara

¹ ao ni kamaoa manekana. Ma I a manga noora te bure i nanon Iteraera ao Tamaria. A b'anga ni kewe aomata nako: a aiwaa taani kimoa i nanon kawain nako nuukan te kaawa.

² Bon akea temanna ae e ataia ae I a tia n noori aia bure nako aika a otab'aniniaki iai kaanga te ieka.

³ E rangi ni kukurei te uea ma ana mataniwi nako n aia bure ma aia b'anganikewe.

⁴ A bane aomata nako n tam'are nanoia ti te bo ngaiia ma taiani kooro i nanon te ainumuum, ae e tauraoi ni kanakoa urana.

⁵ A koro ni manging ana mataniwi n te bong are e katokaaki iai ana baunuea aia uea, ao e a manga ira burababaia.

⁶ E ura uniia kaanga te ai ae e m'akarokaro ni kangainaa, ao e a uraura ngke e a kaarangaina.

⁷ Bon taian ai ngaiia aika a tiringiia aia taan kairiiri. Ao akea korakoraia aia uea bon akea temanna mai buakoia ae e onimakinai.

⁸ A tia Iteraera n renganaki irouia ianena; bon taiani kariki ngaiia aika a mmani aika a b'atab'ata iteraia teuana.

⁹ A taraa n ae a aki ataa mamaaraia ma koreaia: a mainaina iraia, ngkai a tautaeka ianena.

¹⁰ Bon te UEA Ngai ae Atuaia, ma a aki konaa n rairaki nako iu n aia kangaanga ni kabane i bukin aia kainikatonga.

Akea Te Buoka Mairouia Botannaomata Aika Ianena E taku te UEA:

¹¹ Iteraera bon te mannikiba ae akea ana namakin, e kibakiba ni kawaekoa i marenan Aikubita ao Aturia.

¹² Ma N na raweia n te karaun kaanga te tia raweman ae e kam'aneia taiani mannikiba; I taekinna b'a N na katuaaia, ao N na bon karaoia.

¹³ Kaniwangaia ngkai a katinanikuai bon ti te kangaanga ma te urub'ai. N na bon kamaiuia ngkoa ma I aki i bukina ngke a taekina te kewe nako iu.

¹⁴ A bon aki naba tataro nako iu; a ti tang ni korakai i aon aia kainiwene. A ribaai i bukin B'aara ao a korobiti rab'ataia i bon irouia, ma te kaantaninga b'a B'aara e na kakab'aia arokaia.

¹⁵ I reireiniia b'aai aika a atai, ao I kakorakoraia. Ao ngkai a manga iangoa kam'aneau

¹⁶ ao a rawa n ongotaeka irou, Akea riki bonganaia nakon te kanoanikatebe ae e b'aoua. A na mate aia tia kairiiri n te buaka i bukin taekinan b'aai aika a nanobaba. A na ngareakinaki irouia kaain Aikubita.