Otea 13 - Te B'aib'ara

Rokon Te Kangaanga I aon Iteraera E taku te UEA:

¹ Ngke a taetae ami taan kairiiri, a bane n ruru ni maaku ma ni kaota te karinerine ae e korakora. Ma kam bure n taromauria B'aara, ao kam urubekebekeaki.

² Ao ngkai ko teimatoa naba ni karaoa te bure n arom ni korotamnei ma ni karaoi taian bouannanti aika taian tirewa aika bannan taian kao ataei. Ko tuangaki b'a ko na anga karea nakon taian bouananti aikai eng, ao ni kiiti naba ma ngaiia.

³ Ai ngaia are, kam na bane ni mauna nako kaanga te maabubu ke te aoi n te moaningabong, ke kunin taian uita n te ang ke te bubu ma n te kainibubu.

⁴ Ngai ae te UEA ae I a tia n riki b'a Atuami man te tai are kam mena iai Aikubita. Bon ti Ngai te Atua ae kam ataia, bon ti Ngaia ae e konaa ni kamaiungkami.

⁵ I tararuaiko n te rereua are e rangi ni b'atakataka.

⁶ I kaam'arakeingkami ni karokoa kam rauaki, ao i mwiina, kam a manga kainikatonga ao kam m'aninga taekau.

⁷ Ngkai N nang un kaanga te raian, n na bakairaa kaanga te reeb'ari ae wene n tataninga,

⁸ ao n na raebitingkami kaanga te bea aine ae e iraeaki natina, n na kakerui riimi b'a kaanga aongkoa Ngai te raian ke maan ake a aki manana ake tabeua.

⁹ Iteraera, bon aei tokim. Kam na aki kaantaningaa buokami mairou.

¹⁰ Kam tangira te uea ao te tia tautaeka. A angaa ngkai ami uea? Kaawa raa aika iai taan tautaeka iai?

¹¹ I anganingkami te uea i bukin marakin nanou; I uotia nako i bukin buakakan nanou.

Tokin Iteraera Ae E Buakaka E taku te UEA:

¹² Iteraera, a tia am bure aika a kakamaaku ni koreaki taekaia ma ni kaawakinaki.

¹³ Ti te bo ngkami ma te ataei ae akea ana iango ae e rawa ni bungiaki ngke e roko raoi ana tai ni bungiaki.

¹⁴ E bon riai Irou Ngai ae te UEA b'a N na kamaiungkami man te mate ma te ruanimate? I aki! I wetea te mate ma te ruanimate b'a e na oreingkami kaanga rokon te kai. I rawa ni kaota te nanoanga.

¹⁵ E aoria ngkana kam kakab'aia riki nakoia baronga ake tekorakina, N na kamaunaa nakoko Ngai ae te UEA, kaanga aron te ang ae kabuebue ae kam'aua te karaanga n ran. N na uoti nako kaub'aimi aika a tamaroa.

¹⁶ E na katuaaeaki Tamaria i bukina ngke e manga kaaitaraai. E na uruakaki n te buaka a na oreaki ataeina ma taiani b'aa, ao a na katabwenaaki birotoia aine aika a bikoukou.