Karikani B'aai 5 - Te B'aib'ara

Kanoan Atam

¹ Ao aikai araia kanoaia kanoan Atam. (Ngke E karaoia aomata te Atua, ao E karaoia b'a boni katotoongana.)

² E karaoia b'a te aine, ao te mm'aane. E kakab'aiaia, ao e araniia b'a “Aomata.”

³ Ngke ai 130 ana ririki ni maiu Atam, ao e bungiaki natina ae bon aekakina raoi, ao e aranna b'a Teeta.

⁴ Ao i mwiin anne, ao e a manga maiu riki Atam i nanon 800 te ririki. Ao a manga bungiaki riki natina mm'aane ao aine,

⁵ ao e mate ngke ai 930 ana ririki ni maiu.

⁶ Ngke ai 105 ana ririki ni maiu Teeta, ao e bungiaki natina te mm'aane ae Enoti,

⁷ ao e a manga maiu riki i nanon 807 te ririki i mwiina.

⁸ A manga bungiaki riki natina tabeman, ao e mate ngke ai 912 ana ririki ni maiu.

⁹ Ao ngke ai 90 ana ririki ni maiu Enoti, ao e a reke natina te mm'aane ae Kenan,

¹⁰ ao e a manga maiu riki i nanon 815 te ririki i mwiina.

¹¹ A manga bungiaki riki natina tabeman, ao e a mate ngke ai 905 ana ririki ni maiu.

¹² Ao ngke ai 70 ana ririki ni maiu Kenan, ao e a bungiaki natina te mm'aane ae Maararera.

¹³ Ao e a manga maiu riki i nanon 840 te ririki i mwiina.

¹⁴ A manga bungiaki riki natina tabeman, ao e a mate ngke ai 910 ana ririki ni maiu.

¹⁵ Ao ngke ai 65 ana ririki ni maiu Maararera, ao e a bungiaki natina te mm'aane ae Iareta.

¹⁶ Ao e a manga maiu riki i nanon 830 te ririki i mwiina.

¹⁷ A manga bungiaki riki natina tabeman, ao e a mate ngke ai 895 ana ririki ni maiu.

¹⁸ Ao ngke ai 162 ana ririki ni maiu Iareta, ao e a bungiaki natina te mm'aane ae Enoka,

¹⁹ ao e a manga maiu riki i nanon 800 te ririki i mwiina.

²⁰ A manga bungiaki riki natina tabeman, ao e mate ngke ai 962 ana ririki ni maiu.

²¹ Ngke ai 65 ana ririki ni maiu Enoka, ao e a bungiaki natina te mm'aane ae Metutera.

²² Ao e maiu n iraorao Enoka ma te Atua i nanon 300 riki te ririki i mwiina,

²³ ao a manga bungiaki riki natina tabeman. E maiu ni karokoa 365 ana ririki ni maiu.

²⁴ E kabanea maiuna n iraorao ma te Atua, ao i mwiina, e a bon bua nako naba, b'a E anaia te Atua.

²⁵ Ao ngke ai 167 ana ririki ni maiu Metutera, ao e a bungiaki natina te mm'aane ae Rameka,

²⁶ ao e a manga maiu riki 782 te ririki i mwiina.

²⁷ A manga bungiaki riki natina tabeman, ao e mate ngke ai 969 ana ririki ni maiu.

²⁸ Ao ngke ai 182 ana ririki ni maiu Rameka, ao e a bungiaki natina te mm'aane,

²⁹ ao e taku, “Ni moa man te tai are E katekebuaka iai te tano te Atua ni karokoa te tai aei, ao a nang toki rawaawatau man au m'akuri iroun te tei aei.”

³⁰ Ma ngaia are, e arana te tei arei b'a Nooa. Ao e a manga maiu riki Rameka i nanon 595 te ririki i mwiina.

³¹ A manga bungiaki riki natina tabeman, ao e a mate ngke ai 777 ana ririki ni maiu.

³² Ao i mwiina, ngke e a tia ni koro 500 ana ririki ni maiu Nooa, ao a bungiaki natina mm'aane aika teniman, aika; Tem, Aam, ao Iabeta.