Karikani B'aai 23 - Te B'aib'ara

Maten Nei Taara, ao kabooakin te ruanimate iroun Aberaam

¹ Ao e maiu Nei Taara ni karokoa 127 ana ririki.

² Ao e mate i Kiriatareba i Eberon n te aba are Kanaan, ao e tangi man nanokawaki Aberaam ni matena.

³ E katuka rab'atan buuna n te tabo are e wene iai, ao e nakoia taian Itaite, ao e taku nakoia,

⁴ “Bon te iruwa ngai i buakomi, taiaoka ni kaboa te aba teuana nako iu, b'a N na tauna iai rab'atan buu.”

⁵ Ao a taku nako ina,

⁶ “Nao, Ko na ongora i roura. Ti nooriko b'a bon te tia kairiri ngkoe ae ko korakora, ma ngaia are, ko na tauna rab'atan buum n te ruanimate ae te kabanea n tamaroa mai buakon ara ruanimate. Ti bane ni kukurei n anganiko ara ruanimate b'a ko aonga ni kona n tauna rab'atan buum iai.”

⁷ Ao e bobaraaki Aberaam i mataia

⁸ ao e taku, “Ngkana e koaua b'a kam kukurei b'a N na kona n tauna rab'atan buu, ao taiaoka ma kam na butiia Ebiron are tarin Toara

⁹ b'a e na kabooa nako iu ana B'anga ni matang are i Makebera, are e mena i mataniwiin ana tawaana. Taiaoka ni butiia b'a e na kabooa nako iu ni bon boona, b'a N na kab'aka i matami boona ni kabane, b'a e aonga n reke b'a au tabo n taunimate.”

¹⁰ Ao e bon tekateka ikekei Ebiron i rarikiia kaain Eta ake a kabowi ni mataroan te kaawa; ao e kaeka ana taeka Aberaam i mataia kaain te kabowi akekei ni kabane ao e taku,

¹¹ “Ko na ongora i rou, I anganiko te katawanang ni kabane ma te b'anga ni matang ane iai. I bon taetae i mataia kaain abau aikai ni kabane, N na bon anganiko, b'a ko aonga n tauna iai rab'atan buum.”

¹² Ao e bobaraaki Aberaam i mataia Itaite

¹³ ao e taku nakon Ebiron ni kanenea b'anaana ni kaongongoia aomata akekei ni kabane, “N na butiiko, ao taiaoka n ongora. N na kabooa te katawanang ni kabane, ao ko na kariaia kab'akaan boona, b'a N na tauna buu iai ikekei.”

¹⁴ Ao e taku Ebiron,

¹⁵ “Nao, boon te aba anne bon ti abubua te m'akoro n tirewa. Akea bonganan boona ma an tauna naba rab'atan buum iai.”

¹⁶ Ao e kariaia Aberaam, ao e anga i mataia aomata akekei te m'aiti are e a tia n taekinna Ebiron i mataia kaain Eta naba akekei are abubua te m'akoro n tirewa n aron te baaire are e b'ainaki irouia taani bitineti.

¹⁷ Ao anne ngkanne aron te b'anga ni matang are ana b'ai Ebiron are e mena i Makebera are i mainikun Mamre ngke a riki b'a ai ana b'ai Aberaam. E reke naba i rouna te katawanang, ma te b'anga ni matang are i nanona, ma kaai ni kabane ake i nanon te katawanang ni karokoa tokin raoi tiana.

¹⁸ E bane n ataaki irouia kaain Eta ni kabane ake a mena n te kabowi arei b'a ai ana b'ai Aberaam.

¹⁹ Ao Aberaam, e a tauna buuna are Nei Taara n te b'anga ni matang are n te aba are Kanaan.

²⁰ Ma ngaia are, te katawanang are a b'ainna ngkoa kaain Eta ma te b'anga ni matang are iai, e a riki ngkai b'a ai ana tabo n taunimate Aberaam.