Itaia 65 - Te B'aib'ara

E Na Katuaaea Te Tia Bure Te UEA

¹ I tauraoi Ngai ae te UEA ni kaekaia naba aika a aki buubuti aika a aki kakaae. Bootanaomata aika kam rawa n taromauriai, I taku nakoia, “Aio Ngai!”

² I kabongnga ni kawaria aika a bonotaninga ao aika a taani bure aika a touanako kawaia.

³ A kaunai n taai nako b'a a mata ni kakanikoai, ngkana a angakarea nakon aia bouannanti i nanon aia nne n aroka ao a kabuoki taiani kaboiarara nakoia i aon taiani buriki.

⁴ A kakangainaa ni karabaia i nanon taian nangananga are nneia maate; a kang irikon taian beeki, aika a kuukanaki i nanon tioti aika a kam'araa n te kanaki.

⁵ Ao a taku nakoia tem'angina, “Kam na aki kaaniira! Ti katabuaki b'a a na aomata te Atua.” Kaanga taiani bubu aekaki n aomata aikai, aika a kamaraka b'airiu ni katoa bong.

⁶ I a tia ni korea te baei; N na aki kainab'aabu. N na kaokia nakoia n aron are a bon riai n anganaki i bukin aia bure.

⁷ Bon Ngai ae te UEA ae N na karaoia b'a a na kabooa mwiina i bukin aia bure nako ao i bukiia aia bakatibu a tia ni kab'ainrangai ngke a kabuoki taian b'aini kaboiarara i aon taiani maunga.

⁸ Aio te b'ai are e taekinna te UEA: boota ni kureebe ae a kaotinakoa te wain a bongana kawakinaia Ma, i bukimi aika au toro, N na bon aki ekaanako temanna.

⁹ I a tia n rineia aomata aika Iteraera ao Iuta, N na kakab'aiaia ma kaain aia baronga. Ana maeka ikai n aaba aika maungaunga. ao ana riki b'a aia b'ai.

¹⁰ A na taromauriai ao N na kairiia aia tiibu ma aia nanai ni kao ni kawakinia i Aoraoin Tiaron i maeao ao i nanon M'aruan te Kaangaanga i mainiku.

¹¹ “Ma e na kaangaanga nakoimi ngkami aika kam m'anuokinai, ao ngkami naba aika kam m'anuokina Tion, au Maunga are Tabu, ao ma n taromauria Kaata, ao Meni, ake atuan te tekeraoi ma tokin te waaki.

¹² Tokimi bon te mate kaakaiaki, i bukina b'a kam aki kaeka ngke I weteingkami, ao kam aki ongora naba ngke I taetae. Kam rineia b'a kam na bonotaninga nako iu ao ni karaoa naba ae buakaka.

¹³ Ma ngaia are, I tuangngkami koraki aika kam taromauriai ma n ongotaeka nako iu b'a a na m'aiti kanami ma nimami, ma kam na baki ao n taka. A na kukurei ngaiia, ma kam na rawaawata ngkami.

¹⁴ A na anene ni kim'areirei, ao ngkami kam na tangi ma te uruaki n nano.

¹⁵ au Aomata aika a rineaki a na kamanenaa aram i bukin te kamaraia. Ma ngai, ae te UEA ae I tautaekan b'aai ni kabane, N na tiringingkami. Ao N na anganiia ake a ongotaeka irou te ara ae boou.

¹⁶ Kaain te aba ane e bubuti kakab'aiakina, e na tuangaki b'a e na kakab'aiaki mai roun te Atua ae e kakaonimaki. Ane e taetae ni bau e na taetae ni bau n aran te Atua ae e kakaonimaki.

Te Karikib'ai ae Boou

¹⁷ E taku te UEA, N na king karaoa te aonaaba ae boou ma karawa aika a boou. A na m'anuokinaki b'aini ngkoa.

¹⁸ Kukurei ao kim'areirei n aki toki ni baika I karaoi. N na kaona Ierutarem ae boou n te kim'areirei, ao a na kukurei kaaina.

¹⁹ N na kaonaki n te kim'areirei i bukin Ierutarem ma ana botannaomata. Akea ae e na tang ikekei, ao akea ae e na kakaea buokana.

²⁰ Akea ae e na mate i nanon uarerekena, ao aomata ni kabane a na ab'ab'aki maiuia. Akana tebubua aia ririki a na atongaki b'a merimeri. Ngkana iai aika a mate i m'ain karaiia a na atongaki b'a I katuaaia.

²¹ A na katei aia auti ao a na maekan; a na karaoi aia onaroka ao a na kanga uaaia.

²² A na aki katei auti ao ni kaainaki irouia tekorakina; a na aki karaoi onaroka ao ni kanaki uaaia irouia tekorakina; b'a bongini maiun te aroka ai aron bongini maiuia au aomata, ao au aomata ake a rineaki a na maan aia tai ni kukurei ni m'am'akurin baiia.

²³ A na tetekeraoi aia m'akuri, ao natiia a na aki kaitibo ma kabuanib'ai. N na kakab'aiaia ma kanoaia ni kabane aia tai.

²⁴ Im'ain tokin aia tataro, ao N na kaekai aia tataro.

²⁵ Kameanti ma tiibu a na uaia n am'arake; raian a na kang uteute, n ai aroia nanai ni kao, ao naeta a na toki aia tiritiri. I aon au maunga are e tabu are Tion e na bon akea te kabuanib'ai ma te tiritiri.