Itaia 55 - Te B'aib'ara

Ana Kakao Te UEA

¹ Nakomai mooi n te ran ngkana ko taka! Nakomai kana te b'ai ae ko kan kanna, ngkana akea am m'ane! Mooi n te wain ao te miriki ae akea boona.

² E aera ngkai ko bakataea am m'ane i aoni b'aai aika tiaki raoi taian am'arake? E aera ngkai ko m'akuri korakora i bukin b'aai aika a aki konaa n anganiko te rau n nano? Kakauongo raoi irou ao ane ko na kukurei ni kana te am'arake aika kabanea ni kangkang.

³ Kakauongo raoi! Nakomai nako iu ao ko na maiu. N na berita nakoim i bukin te tangira ae akea tokina ao te kakaonimaki n aron are I berita iai naba nakon Tawita.

⁴ I karikia b'a te tia kairiiri ao te tia tautaeka i aoia botannaomata nako; ao bon ngaia au tia kakoaua nakoia.

⁵ Ko na weewete nakoia botannaomata nako aika a tuai ni kinaaki. Ao ko tuai naba ni kinaia, ma ane a na biribiri n roko i bukina ngke bon te UEA Ngai, ae Atuaia Iteraera ae e tabu, ao I a tia ni karineko.

A M'aaka Ana Taeka Te UEA

⁶ Rairaki nakon te UEA! E boni konaa naba n reke. Weewetea te Atua! E kaan.

⁷ Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

⁸ E taku te UEA: “Tiaki ti te arona au iango ma arou nako ma ngkoe.

⁹ A rietaata riki au iango ma arou nako nakoim kaanga taiani karawa ngkai a rietaata riki nakon te aonnaba.

¹⁰ “E b'aka te karau ma te tinoo mai karawa. Ma a aki konaa n oki ngkana a aki teboka te aonnaba are e kariki taian Atiniberita i bukin bwebwen aroka ao te uita i bukin te am'arake.

¹¹ Ao ai anne naba aron au taeka nako. A aki konaa n okirai ngkana a aki karaoa te b'ai are I kanakoia iai b'a a na karaoia.”

A Na Karaoa Aia Bootaki Ni Kukurei Ana Aomata Te Atua

¹² Kam na karaoa ami bootaki ni kukurei, ngkana kam a kainaomataaki ma ni m'ananga n okiri ami auti ma te rau. Ane a na anene taiani maunga ao taian tabuki ngkana kam rirarikiia, ao ane a na uboubo taian aroka.

¹³ Ane a na maiu taiani m'aiango ao taian motere i nanon taian tawaana ngkoa ake a onrake n taiani kai aika a kateketeke. Ao ane a na tei ni maiu aroka aikai b'a taian kabane nikira ni maiu aika taani kakoaua mimitongin te UEA.