Itaia 54 - Te B'aib'ara

E Berita I bukin Ana Kakaawakin Te UEA

¹ Anene n taakarua; e ngae ngkana ko tuai mani kariki! E a tia ni berita te UEA nakoim b'a a na manga reke riki natim nakon temanna ae e a tia ni mare n te tai ae e a maan.

² Kabuuburaa am autinrianna! Kamarangai riki beken am autinrianna; ao kabaea ni kamatoa.

³ Ane ko na taua abaia ianena ngkoe ma am kariki nako. Kam na tekateka n taiani kaawa ake a uruaki n te tai aei.

⁴ Kam na aki maaku ke ni mamaa ao kam na aki buuang. E na aki b'ara nanomi. Kam na m'aninga ae bon taani bure ngkoa ngkami ma ngke kam uarereke; Ani katoka te mamaa i bukina ngkai ai akea buum.

⁵ E tautaekana te aonnaba ni kabane te UEA ae Moan te M'aaka ae Atuaia Iteraera ae e Tabu. Bon te tia karikiko ao buum, ao e na bon kamaiungkami.

⁶ Ti te bo ngkoa ma te buu ae e uarereke, ae e uruaki nanona ae e tang b'a e a tia ni kiitanaki iroun buuna. Ma E taku te UEA ae Atuam, “I a kaokiko ngkai!

⁷ I katinanikuingkami ngkoa, ma ngkai I a manga rab'atiko naba n au tangira ao nanou.

⁸ I tannako ngkoa n te tai ae e aki maan ma te maraki n nano. Ao ngkai e a reke irou te nanoanga ao te tangira ae akea tokina! Boni Ngai ae te tia kaawakiniko ao am UEA, ae I a tia ni berita n aei.”

E Berita I bukin Te Rau Ae Akea Tokina

⁹ I berita ngkoa i nanon Nooa b'a N aki manga kamaunaa te aonnaba n te ieka. Ao Ngkai I a manga berita b'a b'a N na aki manga un iroumi ke ni katuaaingkami.

¹⁰ A na bane ni mauna taiani maunga ma tabuki. Ma N na teimatoa n nanoanga ao n akoi nakoim; N na aki urua au booraraoi are N na angan ami botannaomata te rau.

Ierutarem Ae E Boou

¹¹ Ierutarem, ko nanokawaki, ma n toutourake n te buaka. Ma e na manga katea am kaawa te UEA n taian atiibu aika a tamaroa; b'a aam N na kamanenai taian tabeiro aika a buru.

¹² A na karaoaki am nono n taian ruube, ao mataroan am kaawa n taian b'ainikatamaaroa ao oon te kaawa n atiibu aika a tamaroa.

¹³ N na reireiniia natimi ao N na karaoia b'a a na teetekeraoi.

¹⁴ Ko na kateaki i aon te eti ao ko na aki maakuia akana a kaakaraoa ae e aki eti; a na bane ni kararoaaki mairoum akana ko raraomaeakiniia.

¹⁵ N na aki manga kanakoa temanna b'a e na buakana am kaawa, ao ko na karikiia b'a am taenikai koraki akana a buakaniko.

¹⁶ Ko na aki m'aninga are I karikiia taani karaobiti ake a karaoi taiani b'ainibuaka i aon taiani kooro aika a kabuebue. I karikiia naba taanga ni buaka ake a urub'ai.

¹⁷ A na aki nakoraoi taiani b'ainibuaka akana a karaoaki i bukin buakanakimi; ao a na aki konaa ni kamarakingkami taian taeka akana a ekinakoingkami. Bon am b'ai au tia m'akuri are Ierutarem! I berita Ngai ae te UEA b'a N na kakab'aiako n te tokanikai.