Itaia 52 - Te B'aib'ara

E Konaa Ni Karaoa Ana Baka Ni Kukurei Ierutarem

¹ Ierutarem, Uti! Teirake ao korakora. Tion te kaawa ae e Tabu karina kunnikaim ae moan te tamaroa. A na aki manga urua am kaawa ae e tabu taian ianena.

² Tion, teirake man te baareka! Kainaomatako man te roobu ane i roroam.

Tokin Te Maraki

³ E taku te UEA: au Aomata, kam kabooaki nako ngkoa, tiaki i bukin te m'ane, ao ngkai kam na nang kainaomataaki, tiaki naba i bukin te kabooaki.

⁴ Kam nako Aikubita n taai ake ngkoa ike kam maeka iai. b'a iruwa ngkami. Ao i mwiina, e iowawa Aturia nako imi,

⁵ ao ngkai ai manga te botannaomata teuana e a manga uotiko nako b'a te taenikai ao bon akea naba bukina teuana. A ngirangira am taani kairiiri ni maraki, ao e karereantiaki arau n te bong teuana ma teuana.

⁶ au Aomata, kam na ataia b'a antai Ngai ao antai ae E taetae i bukina ngkai I mena ikai.

Rongorongon Te Kaantaninga I bukin Ierutarem

⁷ Ai kakatekera taraan te tia uarongorongo ri aoni maunga ae e touakina ae e kaangai nako Ierutarem, “Te rongorongo ae e raoiroi! Kam a kamaiuaki. E nang roko te rau. E a UEA ngkai Atuami.”

⁸ Baane anene ao kukurei ngkami aika kam tei n taratara! Nooria, kam a konaa n noora te UEA n okira Tion.

⁹ Ierutarem, teirake mai buakon uruakim! ira buakon te anene. E a tia te UEA n anga te rau nakoia ana Aomata; E roko b'a e na kamaiu.

¹⁰ E a tia te UEA ni kaota korakorani m'aakana nakoia botannaomata ni kabane; a bane aomata n noora m'aakan Atuara ni kakamaiu.

Te Taeka I bukin Kitanan B'aburon

¹¹ Kam na kiitana te kaawa ae e buubura ae B'aburon! Kam na tai riinga te b'ai teuana ae e buakaka. Teboki baimi. Tauraoi ni uoti rikaaki b'aai aika a tabu ake bon ana B'ai te UEA.

¹² Kam na aki biri. Akea ae e kaeingkami. E na kairingkami ao ni kaawakiningkami man aia buaka ami kairiribai te UEA ae Atuaia Iteraera.

¹³ E taku te UEA: E na tootokanikai au tia m'akuri! E na anganaki taian nebonebo aika a kakannato ao taian karinerine aika rangi n rietaata.

¹⁴ A m'aiti aika a maaku n te b'ai are e riki nakoina. Ma a bane ni maaku ake a nooria i bukina ngke e maraki ni karokoa kaanga ai tiaki taraan te aomata,

¹⁵ E na karikiia botannaomata au tia m'akuri b'a a na boongana i bukin taromauriakiu; a na aki kakarongoa uea ngkana a boobaraaki ni mimi. Ane a na noori ao a na iangoi b'aai aika a tuai ma n noori ke n tuai n iangoi mai m'aaina.