Itaia 33 - Te B'aib'ara

Te Tataro i bukin Ana Buobuoki te UEA

¹ Ko konaiia au aomata. Ko a reke n te kangaanga! Ko tuai man ururuakaki, ma ko nang uruakaki; ko tuai man kam'aneaki; ma ko nang kam'aneaki. Ngkana e a bane am uruuru ma am kam'aam'ane, ao ko nang manga uruakaki ma ni kam'aneaki n aron anne.

² Taiaoka, te UEA, nanoangaira! Ti onimakiniko. Kakorakoraira ni katoa ingaabong, ao kawariira ni kamaiura ngkana ti a reke n te kangaanga.

³ A uamaaenako botannaomata ngkana ko bekorara ao ko kaota kakannatom.

⁴ Ti buakaniia ara kairiribai kaanga taian taanga n rookati; ti anai b'aai ni kabane ake a b'ain.

⁵ Boni Ngkoe te UEA, i aoia atua ni kabane, ao ko maeka n taian karawa. Ao ko a tia ni karokoa te eti ao te eti nako Ierutarem;

⁶ bon te aana ae ti tei i aona n te bong aei. Ko aki toki ni kamaiura ao n anganiira te wanawana ni koaua ao te rabakau Akea riki ae e kakaawaki iroura nakon te ongotaeka iroum.

Ane E Na Karaoa Te B'ai Teuana Te UEA

⁷ Kakauongo! Taani buaka aika kam ninikoria aika kam biribiri i nanon kawain nuukan te kaawa, aika kam takaarua i bukin buokami. E kaantaninga te rau ara taani uarongorongo, ma a okiri aia auti ma te tang.

⁸ Akea riki ae e a manga m'am'ananga; akea kaain taiani kawai. A uruaki taian boraraoi i bukin te rau ao akea aaro ni karinerine aika kaotaki nakoia aika kawakin berita.

⁹ A m'au ma n akea arokan aon taian tawaana; E mauna raoiroin te Maunga are Reb'anon n te maamaa. E a riki b'a te rereua te M'arua are Tiaron; a mrara baan arokan buakonikain Batian ao Karemera.

¹⁰ Ma e taku te UEA, “N nang karaoa te b'ai teuana ngkai ao E na rangi ni korakora neboakiu.

¹¹ Taian maange m'akuri ake a na karenakoaki i aon te ai ni bon oin angin ukeukem.

¹² Ko na kauraaki ni karokoa ko mannang kaanga kaai aika a kateketeke i nanon te ai.

¹³ A bane n noori b'aai ni kabane aika ko karaoi aomata aika a kaan ma aika a raroa. Noora m'aakau ae e korakora!”

Te Katuua Ma Kaniwangana

¹⁴ A titiraki ma te maaku taani bure aika a buakaka ake a maeka i aon te Maunga are Tion, “Ti nang kangaa ni maeka i buakon te urarake ae akea tokina?”

¹⁵ Ma e na iai kaniwangaia aika a eti maiuia ma n tataekina te koaua, i bukiia aomata ake a rawa n anaa te m'ane n te matoa ke a rawa ni butim'aea te baabakanikawai, ao nakoia ni kabane ake a ribaa te tiriaomata ao taian m'akuri ni kakeru.

¹⁶ A na maeka n taian nono aika a mena i aoni b'aa aika a rietaata, ao a na kang am'arake ao nimaia te ran.

Bon Te UEA Ara Uea

¹⁷ Kam na noora te Uea ae e Kakannato ni bon oin matami; kam na noora abanueana ae e rooti taabo aika raroa ma n raababa.

¹⁸ Ao i mwiina, kam na titirakiningkami ni kaangai, “A na roko mai ia taiani mataniwi aika a imanonoira b'a ti na anga te taekiti aika a buubura?”

¹⁹ Kam na aki manga oki n nooriia aomata aika a kainikatonga aika a taekin taeka aika a kaokoro ao aia taeka ianena aika a aki ongo te aba nanoia.

²⁰ Kam na taraa te Maunga are Tion ike ti bukamarua iai ara toa nako. Kam na noora Ierutarem ae e matoa raoi koron roobuna aika a aki konaa ni kounako aika a kabaeaki n taian roobu aika a aki konaa ni moti.

²¹ E na mena i rarikira ara UEA ae e kamimii! A na iai taian karaanga aika a iabuti ao taian karaanga aika a uarereke aika a aki konaa n roko iai aia kaibuke ara kairiribai.

Bon Ara Tia Moti Te UEA

²² Bon ara tia Moti ara UEA ao ara tia tautaeka; bon ara king ara UEA ara E na bon kamaiura.

²³ Ma bon te kaibuke am botannaomata ae a matanatana roobuna nako ao e a kani b'aka aneangina manni nena ao e tikibuaka kanoan iena. N te tai teuana ngkami naba aika kam m'auku a na reke naba ami b'ai mai rouia ami kairiribai nako.

²⁴ Ane e na kab'arai ami bure te UEA ao ane a na akea mai buakomi ae e na kaangai, “Kaanga I aoraki.”