Itaia 20 - Te B'aib'ara

Karaoan Kanikinaean Konaakin Aikubita ma Itiobia Iroun Itaia

¹ Ao e anga ana taeka Uean Aturia are Tarekon nakon ana mataniwi n taanga ni buaka b'a e na tauaki te kaawa ae e buubura are Atetota.

² Ni bon te tai naba aei ao e tuangai te UEA ni kaangai, “Itaia, buuti am kunnikai ni kabane, n ikotaki naba ma am kauniwae!” I karaoa aei, ao I nakonako n aki karabaanai ao n aki kauniwaenai

³ i nanon tenua te ririki. Ao i mwiina, e a manga taku te UEA: Te b'ai ae e a tia ni karaoia Itaia bon te kauring nakon Aikubita ao Itiobia.

⁴ A na bane ni uotaki nako iroun uean Aturia aomata ni kabane aika i nanon kaawa aika uoua aikai ao a na aki karabaaniia ao a na aki kauniwaeniia. Te ataei ma te ikawai, a na anaaki b'a taian taenikai, ao e na kamaamaaeaki Aikubita.

⁵ Ane a na mangaongao ao a na b'ara nanoia, i bukina ngke a onimakina Itiobia ao a kamoamoa iroun Aikubita.

⁶ Ngkana a riki baikai, ao ane a na kaangai aomata ake a maeka i mataniwiin taari, “Ani bon noora te b'ai ae e a riki nakoia! Ti biri ni karekei maiura irouia, ma te kaantaninga b'a a na kamaiura mai roun Uean Aturia. Ma ngkai, ai bon akea riki ara tabo ae ti na kamaiura iai.”