Itaia 17 - Te B'aib'ara

Kamaunaakin Tamateko

¹ Aio te rongorongo ae taekan Tamateko: Ko a reke n te kabuanib'ai Tamateko! E na roko n tokina are te uruaki.

² E na tiku n rereua kaawa aika a uarereke ake i rarikin Aroera, ma ti temanna te tiibu n tiku ikekei ao akea ae e tabeakinna.

³ A na mauna ana nono nako Iteraera E na mauna nako abanuean Tamateko; a na rangi ni kainano taiani nikira ni maiu iai kaanga aron are e riki nakon Iteraera. E a tia ni berita i bukin aei te UEA ae Moan te M'aaka.

Te Bure Ao Te Karawaawataaki

⁴ Ngkana e roko te tai arei, e na karuoaki rikaaki te botannaomata ae e mimitong ae Iteraera mai eta; ao a na rinikangenge kaaina ake a mari ngkoa.

⁵ E na riki Iteraera kaanga uitan taian tawaana n te M'arua are Rebaim aika a taiaki aika uita aika a itiaki.

⁶ Iteraera kaanga te kai ae te oriwa ae e oreaki n te kai, ae e nikirana ti uoua ke tenua nikiran uaana ke tao ti aua ke nimaua aika a rangi ni rietaata ke ni m'aangana ake a rangi ni uaa. E a tia ni berita b'a e na bon koro bukin aei te UEA ae Atuan Iteraera.

⁷ Ane a na tanrikaaki aomata n te tai anne n onimakina te Tia Karikib'ai, Atuan Iteraera ae e tabu.

⁸ A tia ni karaoi taiani baonikarea i bukin kabuokan taiani b'ai ni kaboiarara i bukin antiia are Nei Aatera, ao a tia naba ni katei taiani boua aika a tabu i bukina. Ma ane a toki aia taromauri n taabo aikai.

⁹ E taui kaawa aika a korakora Iteraera ao e kakionakoia kaaina ake a maeka ikekei. Ma ane a na wene n uruaki taiani kaawa aikai, ma n onrake n taian uteute ao taiani buakoako ni kai.

¹⁰ Iteraera, ko a tia ni m'aninga taekan te Atua are e kamaiungkami, teuare bon te b'a ae e korakora ike e na konaa n reke iai maium. Kam unika taiani kabanea n tamaroa ni uee i bukin karinean antiia ianena.

¹¹ Ane e na butinako m'aangana ao e na uee ni bon te moaningabong naba anne, ma ane e na bon akea uaana nakoimi, i bukina b'a ane kam na karawaawataaki n te maraki ae akea tokina.

Kamanoakiia Ana Aomata Te Atua

¹² Bon naoni marawa aika a karongoaa taiani botannaomata.

¹³ Ma e ngae ngkana a rurunga kaanga te ieka ae e kakamaaku, E na tuangiia te Atua b'a a na oki rikaaki. A na riki b'a kaanga te bubu, ke kaanga te uteute ae e ukaki nako n te ang are e karabinobinoaki ri aon taian tabuki n te angibuaka.

¹⁴ E na rangi ni korakora aia buaka n te bong, ma ngke e a ingabong ao a mate. bon anne te b'ai ae e na riki nakoia akana a ewekiira ma ni kurib'aia abara.