Itaia 13 - Te B'aib'ara

Katuaaean B'aburon

¹ Aio te rongorongo ae I anga i bukin B'aburon:

² Ko na anga te kanikina, takaarua n anga te babaaire n te tabo ae e rietaata i aon te tabuki ae akea arokan aona, ao kotea te kawai n rin nakon aia mataroa taan tautaeka aika a kamoamoa i B'aburon.

³ E a tia n tuangiia ana tautia aika a bane aroia ao ana Aomata aika a kakannato b'a a na kaota aron unna.

⁴ Ongora nakoia koraki n aomata aika a kakarongoa i aon taiani maunga! A ikoti aia taanga ni buaka taian abanuea, ao taian botannaomata E a bootia taanga ni buaka te UEA ae Moan te M'aaka i bukin te buaka.

⁵ E waaki n nakomai te UEA ma te tiritiri ao te un ae moan te korakora man te aba ae e raroa e uota ana b'ainibuaka b'a e na kamaunaa te aonnaba.

⁶ Kam na tang ma ni katuu ranin matami! E a roko te bong are e na karokoa iai te urub'ai te UEA ae Moan te M'aaka.

⁷ A na bane ni maaku aomata ni kabane. A na akea angin taiani bai; a na mauna nako taian anginnano.

⁸ A na bane ni ruru aomata n te maraki kaanga te aine ae e ariri ni bung; ane ana taraia i bon irouia ma te mata ni maaku.

Akea Te Nanoanga

⁹ N na kaota au aki nanoanga ke au aki akoi Ngai ae te UEA ngkana e roko te tai arei. N na kamaunaa te aonnaba ni marakin nanou ao taani bure naba ni kabane akana a maeka i aona.

¹⁰ E na mauna te oota man taian itoi ake i karawa; e na onikaki ootan te ingabong nakon te roo, ao e mate ootan nam'akaina.

¹¹ N na katuaaea te aonnaba ae e buakaka aei ma aomatana i bukin aia bure nako. N na kamanatuaia taani kainikatonga aika a kakamaaku aika a iowawa.

¹² E na kaangaanga kunean te koora ni koaua irouia taian nikira ni maiu.

¹³ I rangi n un, Ngai ae te UEA ae Moan te M'aaka Ngaia ae N na ioioa karawa ao e na rurubenebene te aonnaba.

¹⁴ A na bane ni biri nakoni mwengaia aomata nako, kaanga aron birin te ria ae e kakioaki, ao tiibu aika a uamaae nako ngkana akea te tia kaawakin tiibu.

¹⁵ A na tiringaki n te kabaang koraki ake taian taenikai.

¹⁶ Ane a na nooriia natiia m'aane ngkana a oreaki ma taiani b'a, a na iraeaki mwengaia, ao a na tangakoaki buuia.

¹⁷ A na aki konaa ni kabooaki kaain Miria n te tirewa ma ke koora, ao I kanakoia b'a na buakana B'aburon.

¹⁸ A tiringiia rorobuaka n aia kanoanikatebe; e na bon akea te nanoanga ae e na nooraki nakoia ataei aika a uarereke ao naati.

Kamaunaan B'aburon Iroun Te UEA

¹⁹ E mimitong ao e korakora te kaawa ae e buubura ae B'aburon, kakatongaia botannaomata. Ma e na riki b'a kaanga taiani kaawa aika a buubura ake Tootom ao Komora i mwiin uruakana Irou Ngai ae te UEA.

²⁰ Ane a na akea ae e na maeka i B'aburon. E na bon akea naba taani m'am'ananga aika a na maeka ni kaaniia, ao a na aki kariaia aia nanai n tiibu taani kaawakin tiibu b'a a na katoki kuaia ikekei.

²¹ Bon ti manin te rereua aika, a na maekana b'aina aika a uruaki taian aure, ao taian aotireti, a na eweewe iai taiani kooti

²² A na tangitang taian aiena, ao taiani kameanti man nonon nako B'aburon ao baretina ake a tamaroa. E a roko ana bong!