Itaia 12 - Te B'aib'ara

Te Anene N Nebo

¹ Ko na kaangai n te tai arei. “I kaaitauko te UEA! ko un ngkoa irou, ma e a toki unim ao ko a anganai te mweraoi.

² I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”

³ E na reke iroumi te ran ma te kukurei ae moan te bati mani m'aneaban te tokanikai.

⁴ Ane kam na kaangai n te tai arei, “Ti rangi ni kaaitauko, ara UEA. ao ti taromauriiko n ti ngkoe. Ti na tuangiia botannaomata aron mimitongim ma b'aai aika ko a tia ni karaoi.

⁵ Ti na anenea neboam i bukin am m'akuri aika a kamimii n taabo nako n te aonnaba aio.”

⁶ Anene, ngkami kaain Tion! Bukamarua kakannaton UEAN Iteraera ae e tabu. E mena ikai te Atua b'a e na buokiko.