Itaia 10 - Te B'aib'ara

¹ Kam a reke n te kangaanga aomata! Kam a tia ni karaoa te tua ni iowawa ae aki eti

² are kam na karaoa iai ae e aki raoiroi nakoia aomata aika a maiu ni kainano aika a tangira buokaia ao aine aika a tia ni mate buuia ao ataei aika akea aia karo.

³ Ma tera ae kam nang karaoia ngkana kam buakanaki man katuaaeaki irouia ianena? Kam na biri ni kakaaea buokami ia? Kam na karabai ami b'ai aika a kakaawaki ia?

⁴ Kam na kangaa ni biri nako man te tauaki ke n te tiringaki? E bon teimatoa naba n un te UEA, ao e tuai man kab'ara nanona mairoumi!

Ana Kaantaninga Te UEA Ao Uean Aturia

⁵ E taku te UEA: I a rangi n un! Ao N na kamanenaa uean Aturia b'a kaanga te ambo

⁶ n oreia ni kab'akaia ngkami aomata aika taan onimakiniia anti. I un iroumi, ao N na kanakoia b'a a na buakaningkami. E na anai b'aai aika e tangiri ao e na toubekaingkami kaanga taiani bokaboka ake i nanon kawain nukan te kaawa.

⁷ A na bon m'aiti riki ana iango i nanona, i bukina ngke e tangiria ni kamaunai botannaomata aika a bati.

⁸ E taku Uean Aturia: Bon taiani uea au mataniwi n te taanga ni buaka!

⁹ A tia ni konaaki kaawan nako Kareno, Karekemiti, Amata, Arebata, Taamaria, ao Tamateko.

¹⁰ A mamaara riki antiia kaain Ierutarem ao Tamaria nakoia antiia botannaomata aikai.

¹¹ Ao N na kamaunaa Ierutarem, n ikotaki ma antina nako ao ana bouannanti nako n aron are I a tia ni karaoia nakon Tamaria.

¹² E na karaoa te b'ai are e a tia ni baaireia te UEA nakon Ierutarem ao te Maunga are Tion. Ao i mwiina, e na katuaaia uean Turia aika kainikatonga mani kamoamoa,

¹³ ake a kaangai: I karaoi b'aai aikai ni bon oin m'aakau i bukina b'a I wanawana ao I rabakau. I buakaniia uea kaanga te kao ae e aki manana, ao I anai kaub'aia botannaomata nako.

¹⁴ I a tia ni kataenikaia te aonnaba ae e b'anin! E rangi ni beebete anaakin te bunimoa n te ngao ae akea ae e teiakinna. Akea ae e na uboi baina ni kiba ke ni katanga te bu ni katounakoai.

¹⁵ Uean Turia, e konaa te tanai ke te tao ni karanganakoa teuare e b'ainna? E konaa te boora te kai n tabeka te aomata are e tabekia?

¹⁶ E na kanakoa te aoraki ae moan te kamaamate te UEA ae Moan te M'aaka n oroia am taanga ni buaka ao ko na ura n te aoraki ae te kabuebue i aan niiniirana ni uea.

¹⁷ E na onikaki te Atua ae e tabu, are ootan Iteraera, ao ko na urarake n te bong teuana kaanga te buakonikai ae e kateketeke.

¹⁸ E na karaoai am buakonikai aika a tamaroa ao am tawaana aika a maiu reirei te UEA b'a a na karaurau ni mka nako.

¹⁹ E na rangi ni uarereke m'aitin taian aroka n te aro are e na konaa ni warekaki iroun te teei ae moan te uarereke.

Ana Ti Tabeman N Okirikaaki

²⁰ E na roko te tai are a na ti onimakina UEAN Iteraera ae e tabu nikira ni maiu ake a roko mai Iteraera ao Iuta, n onea mwiin onimakinaia botannaomata ake a konaaki irouia.

²¹ A na rangi n rawata aomata kaanga m'aitin taian tano i mataniwiin taari, ma a na bon ti tabeman aika a na tiku ni maiu ma n okira Atuaia Iteraera ae e m'aaka.

²² E riki aei i bukina ngke e a tia ni kamaunai aia botannaomata, n aron are e bon riai ni karaoaki nakoia.

²³ E a tia ni berita te UEA are Moan te M'aaka b'a a na bane kaain aonnaba ni katuaaeaki.

²⁴ E taku ngkai te UEA ae te Atua ae Moan te M'aaka nakoia ana Aomata i Ierutarem: A oroingkami kaain Aturia n taiani kai ma ni kabuakakaingkami, n aron are a karaoia kaain Aikubita. Ma kam na aki maakuia.

²⁵ N na katoka marakin nanou iroumi n te tai ae e waekoa ao N na katuaaia i bukin aia bure nako.

²⁶ N na kataereia kaain Aturia n taiani kainikataere, n aron are I a tia ni karaoia nakoia kaain Miria i rarikin te b'a are Orebi. Ao N na kaota nakoia te m'aaka naba are I kamanenaa ngkoa ni karaoa iai te kawai i nuukan taarin Aikubita.

²⁷ Ao ane a na aki manga tautaekana ami botannaomata. A na bane n nakoraoi b'aai nako nakoimi, ao a na bane n tabekaki rake uotami.

²⁸ A tia n roko taian taanga ni buaka n te kaawa are Aiata. A tia n ri nanon Mikeron, ao a kaawakin aia b'ai i Mikemati,

²⁹ i m'aain m'anangaia i nanon te m'arua ma tikuia n te tairiki ni kangainaa i Keeb'a. A maaku kaain Rama, ao aomata ni kabane i Kireata, are ana kaawa Tauro, ao a biri nako.

³⁰ E ongo te aba te tang ae e korakora mani kaawan nako Karim, Raitia, ao te kananoanga are Anatota.

³¹ Bon akea nikiran aomatan Matemena ke Kebim.

³² A na kaemb'a n te bong aei kairiribai i Nobi ao a ioioi aia timoi n oro nakon te Maunga are Tion i nanon Ierutarem.

³³ Ma e na kabonganaa korakorana ae e kakamaaku te UEA ae Moan te M'aaka ni kab'akai taian aroka aika a rangi n rietaata mani koroi m'aanga ni kabane.

³⁴ E na tiring taian aroka ni kabane n te tanai te UEA ae e mimitong i buakonikain Reb'anon.