Iotua 3 - Te B'aib'ara

Riaoan te Ioretan irouia Iteraera

¹ A utim'aaka Iotua ma aomatan Iteraera n te bong are i mwiina, a kiitana Titim nakon te Ioretan ni manga kaemb'a iai i m'ain ae a ri nanon te karaanga.

² I mwiin tenibong ao a m'ananga taan kairiri ri nanon te maeka,

³ ma n tuangiia aomata ni kaangai, “Ngkana kam nooria ibonga n uouota Ana Ati ni Berita te UEA ae Atuami, ao kam na baarongai ami b'ai ao kam na rimwiia nako.

⁴ A na kaota te kawai nakoimi b'a kam aki ataa tabuaiakan te tabo aei. Ma kam na aki kaania te Atiniberita; taua raroami mai iai tao te itera ni maire.”

⁵ E kaangai Iotua nako ia, “Kam na tabui ngkami b'a e na karaoi kakai te UEA nakon te ingabong i buakomi.”

⁶ Ao e a manga tuangiia ibonga b'a a na rimoaia aomata ma te Ati ni Berita, ao a karaoa are a tuangaki.

⁷ E taku te UEA nakon Iotua, “Ane ko nang karineaki irouia aomatan Iteraera ni baika N na karaoi n te bong aei, ao a na kakoauaa b'a I bon buokiko naba n ai arou naba ngke I buoka ngkoa Moote.

⁸ Tuangiia ibonga ake a uouota te Atiniberita b'a a na tei ngkana a roko ni kaneinein mataniwiin te Ioretan.”

⁹ Ao e taku Iotua nakoia Iteraera, “Nakomai ongora te b'ai ae E na taekinna te UEA ae Atuami.

¹⁰ E na katotoroianako mai i m'aaimi kaain Kanaan, ma kaain Eta, ma Iwaite, ma Beritaite, ma Kirekataite, ma Amoraite ao kaain Iebuti. Ao ane kam na ataia b'a E memena te Atua ae maiu i buakomi

¹¹ ngkana kam noora Ana Ati ni Berita te UEA ae taua taekan aonnaba b'a e ri aon te Ioretan n rimoami.

¹² Ma ngaia are kam na rineia ngkai tengaun ma uoman m'aane; kakatemanna man barongan nako Iteraera,

¹³ ao n te tai naba are a teboo iai waeia i mataniwiin te karaanga, ibonga ake a uouota Ana Ati ni Berita te UEA ae taua taekan aonnaba, ao e na toki raangan ranin te Ioretan, ao a na toki n raanga ma n ikoikotaki raan ake a raanga rikaaki n te itera are a raanga mai iai.”

¹⁴ E a tao ranin te karaanga n te tai arei b'a bon tain te tai, ao a uouota te Atiniberita ibonga rimoaia aomata,

¹⁵ ao a taeki aia auti n rianna aomata ma n rimwiia ibonga b'a a nang ri nanon te Ioretan. Ao ngke a tib'a tabe n ruo n te karaanga

¹⁶ ao e a rina naba n toki raangan te ran, ao a ikoikotaki n te iterana ni karokoa te kaawa are Atam are i rarikin Taretan. Ao e a bon toki raangan te karaanga rikaaki ni karokoa taari are mate, ao a kona aomata n roko i Ieriko.

¹⁷ A nakonako aomata i nanon te Ioretan i aon te tano ae m'au. Ao a tei ibonga ma Ana Ati ni Berita te UEA i nukan te Ioretan i aon te tano ae m'au naba, ni kababaneia raoi aomata ni karokoia ni iteran te karaanga are teuana.