Iobi 7 - Te B'aib'ara

E reitianako Iobi Bukin tera ngkai e nang matoatoa te maiu?

¹ Ti te bo maiun te aomata ma te m'akuri n tautia; kaanga ai aron te kam'akuri ae matoatoa ae karaoia te aomata ni bon rab'atana.

² Kaanga te aro ae rangi ni kainanoa aan te nu ae m'aitoro; kaanga te tia m'akuri ae tataninga anganakin boona.

³ Boona akea uaan maiu n te nam'akaina koraki. E karekea te rawawata nako iu te tairiki teuana ma teuana.

⁴ Ngkana I wene ni matu i aon kieu, ao e rangi ni waeremwe te tai; I nib'araa ni ua te ngaina n tataninga rokon te karangaina.

⁵ E onrake rab'atau n te ino ma te kanakana, ao a buri kaboau.

⁶ A bane au bong, ao akea te b'ai ae I kantaningaia, a waekoa n nako kaanga birim'aakan ana rika n raranga te tia raranga te kunnikai.

⁷ Te Atua O, uringnga b'a ti te ikeike maiu aio, a bon tia n toki kukureiu.

⁸ Ko noorai ngkai ma ko na aki manga noorai riki. Ngkana ko kakaaeai, ao ana akea Ngai.

⁹ Ai aron te nang ae nang tabe ni bua man taon nako. E mate te aomata, ao e aki manga oki

¹⁰ n ai aron te nang ae tabe ni bua man taon nako. A bane ni m'aninga taekana aomata ake a kinaa ngkoa.

¹¹ Eng, I bon aki kona ni kaina wiiu! I bon riai n taetae b'a e rangi ni maraki tamneiu.

¹² E aera ngkai Ko rangi n tararuaai? Ko taku b'a te ika ni kakaang ngai are i taari?

¹³ I wene ni kataia ni motikarawau, I kakaaea tokin marakiu.

¹⁴ Ma Ngkoe-Ko kakamaakai n taiani mii, Ko karokoi i Rou taiani kaotioti ma mii aika kakamaaku

¹⁵ ni karokoa ae I a tangiria riki ni mate nakon ae N na maiu i nanon te rawawata aei.

¹⁶ E a b'ara nanou; I a kua n te maiu aei. Katukai n ti ngai, akea nanoni maiu.

¹⁷ E aera ngkai e rangi ni kakawaki te aomata i Roum? Bukin tera ko nang tarai baike a karaoi?

¹⁸ Ko tutuoia n te ingabong koraki, ao Ko kakataia ni katoa miniti.

¹⁹ Ko kona ni karekea au tai teutana b'a N na ti oonga moa baawareu?

²⁰ Ko rootaki n au bure? E aera ngkai Ko karikai b'a Am taakete? I a riki b'a te b'ai ni karawawata ae korakora nako Im?

²¹ Ko aki kona ni m'anuokin au bure? Ko aki kona ni kab'arai au bure ake I a tia ni karaoi? N na roko n ruanimateu n te tai ae waekoa, ao N na bua mai kai ngkana Ko kakaaeai.