Iobi 37 - Te B'aib'ara

¹ E karika tatan manawau rokon buakan karawa.

² Ongora ngkami ni kabane nakon b'anaan te Atua, ao nakon rebwen te baa are nako mai wiina.

³ E kanakoa te iti man iteran karawa are teuana nakon iterana are teuana; man tabon aonnaba are teuana nakon tabona are teuana.

⁴ Ao i mwiina, e ongo te aba rurungaan b'anaana ae korakora are rurungaan te baa, are E kaairia ma itin karawa.

⁵ Ngkana E kanakoa Ana babaaire te Atua, ao a kaoti baika kamimii aika tiaki kona n atai aroia.

⁶ E baairea kab'akaan te tinoo i aonteaba, ao E kanakoa te raanga ni karau ae korakora.

⁷ E katoki aia m'akuri aomata b'a aonga ni bane ni motirawa man te m'akuri; ao ni kaotia nako ira b'a tera ae kona ni karaoia.

⁸ A okiri nneia maan aika katam'anti.

⁹ A roko angibuaka mai maiaki, ao taiani m'aitoro mai meang.

¹⁰ E kab'anini taian ran ikeiken te Atua, ao E oniki nakon taian aiti aika matoatoa.

¹¹ E iti te iti man taian nang,

¹² a buti naang nakon are E kanakoia te Atua nako iai; a ongotaeka i roun te Atua n taabo nako ike a nako iai n te aonnaba.

¹³ E kanakoa te karau te Atua n teboka te aonnaba. N tabetai ao E kanakoa i bukin katuaaia aomata, ao n tabetai E kanakoa ni kakab'aiaia aomata.

¹⁴ Kainab'aabu teutana Iobi, ao kakauongo; iangoi b'aai aika kamimii aika E karaoi te Atua.

¹⁵ Ko ataia b'a E kanga te Atua n anga Ana mwioko ma ni karika te iti man te nang?

¹⁶ Ko ataia b'a a kanga ni beibeti taian nang i karawa, aika na m'akuri te Atua aika kamimii?

¹⁷ Ko bon aki. Ko ti ataia b'a ko kabuebue ngkana e ukiko te ang maiaki.

¹⁸ Ko kona ni buoka te Atua n arora karawa ma ni karaoia b'a kaanga te biti ae matoatoa?

¹⁹ Reireiniira ara taeka nakon te Atua; a nanoroo nanora, akea te b'ai ae ti na taekinna.

²⁰ I aki kan taetae ma te Atua; e aera b'a N na anganna Ana tai b'a E na tiringai?

²¹ Ao ngkai, e a raaitiiti te oota i karawa, e rangi n raaitiiti n te aro are ti aki kona n taraia, ao e a tia n taeaki ni kaitiakaki karawa n te ang.

²² E nooraki te raaitiiti ae korakora i meang, ao raaititina e kamimiia aomata ni kabane ake a nooria.

²³ E rangi ni korakora m'aakan te Atua n te aro are ti aki kona ni kaaniia; E rangi n raoiroi man eti raoi nako ira.

²⁴ Ma ngaia are, a bane ni maakua aomata ni kabane, ao E aki kubariia aomata ake a taku b'a a wanawana.