Amota 5 - Te B'aib'ara

Te Wewete Nakon Te Raira-n-nano

¹ Kam na ongora, Iteraera, nakon te kuna n rainanoanga ae I aneneia nakoimi:

² E a tia ni b'aka te ataeinaine ae Iteraera, E aki manga teirake riki! E wene ni kitanaki i aontano, Ao akea ae e na buokia ni kateirakea.

³ E taku te UEA ae moan te rietaata, “A kanakoaki teuana tengaa tautia man te kaawa ae Iteraera, ma ti tebubua tautia aika a okirikaaki, ao te kaawa teuana e a manga kanakoia tebubua ana tautia ma ti tengaun ana tautia aika a oki.”

⁴ E taku te UEA nakoia Iteraera, “Nakomai ao kam na maiu.

⁵ Tai nako n taromauri i Beera-teba. Tai ukoukorai i Betaera-N nang kakeaa manen Betaera. Tai nako Kirekara-ana tiringaki man uotaki nako kaaina b'a taenikai.”

⁶ Okira te UEA ana bakatibu Ioteb'a, ao kam na maiu. Ngkana kam aki, ao te UEA e na roko ni buaka n ai aron te ai. Betaera e na bue nako aontano, ao bon akea ae kona ni kamaiua.

⁷ Kam na mate, ngkami aika kam raira te kaetitaeka ae riai mani m'am'anaia aomata man aia riai!

⁸ E kariki itoi te UEA, ao ni katikui n aroia. E bita te rotongitong nakon te karangaina ao te ngaina nakon te tairiki E wetei ranin marawa ao e nurakin nako aon te aba. ao Arana bon te UEA

⁹ E uota te urub'ai i aoia akana korakora.

¹⁰ Ngkami aika aomata kam ribaia ake a karaoa te motikitaeka ae riai ao n taekini taeka aika koaua n te bowi.

¹¹ Kam a tia ni karawawataia aika kainano ao ni kurib'ai aia uita. Ao kam na bon aki maeka n auti atibu aika tamaroa aika kam karaoi ke ni mooi ni wain man ooni kureebe aika kam uniki

¹² Ao I atai aron ami bure aika nang riao aika kam a tia ni karaoi. Kam b'ainikiriniia aomata aika raoiroi, kam kamaraato, ao kam totokoia aika kainano nakon te motikitaeka ae eti n te bowi.

¹³ ma ngaia are te aki kakarongoa i nanon taai aika bubuaka bon aromi ni birikatai!

¹⁴ Karika ami iango b'a kam na karaoi baika raraoi, tiaki baika buakaka, b'a kam aonga ni maiu. B'a e aonga te UEA ae m'aaka ni memena iroumi, man atongnga b'a bon ami Uea.

¹⁵ E ririiba te buakaka, ao e tangira te eti, ao n taraia b'a e na karaoaki te kaetitaeka ae riai n tain te bowi. E na bon kona te UEA n nanoangaia botannaomata ake a tiku ni maiu.

¹⁶ Ao te UEA ae m'aaka e na kangai, “E na iai te tang n nanokawaki i nanon kawain te kaawa. Taan ununiki a na bon tang naba i bukiia ake a mate

¹⁷ E na bane n tang te aba i nanon nne n aroka. A na bane n riki aikai i bukina b'a N na bon roko ni katuuaingkami. Bon ana taeka te UEA.

¹⁸ E na bon kanganga nakoimi ngkami ake kam ukoukora ana bong te UEA! Tera raoiroin te bong anne nakoim? Bon te bong ae na rotongitong ma tiaki te ota.

¹⁹ Kanga ai aron temanna ae birinako mai m'ain te raian ao e kaitibo ma te bea! Ke kanga ai aron temanna are e roko n te mwenga ao ni kaaki baina i aon te oo-b'a e na tenaaki n te naeta!

²⁰ Ana bong te UEA e na uota te rootongitong ma tiaki te oota; bon te bong ae na mabubu, n akea otana.

²¹ E taku te UEA, I ribaai ami botaki n taromauri; I bon aki kan tarai!

²² Ngkana kam uoti nako iu ami karea ni kabuokaki ma ami karea ni uita, N na bon aki butim'aai; N na bon aki naba butim'aai ami man aika kamarikaaki b'a ami karea nako iu.

²³ Katoki ami anene aika kaberoro; I bon aki kan ongo tangin ami aabi.

²⁴ Ma ke e raanga rio te kaetitaeka ae ai aron te karaanga ae aki kona ni b'atakataka.

²⁵ Ngkami aika aomatan Iteraera, I bon aki kainanoi ami anga karea i nanon abwi te ririki are I kairingkami iai i nanon te rereua.

²⁶ B'a ngkai, kam'a tia n taromauri katotongan Takuta, are uean atuami, ao Kaiwan, are atuaia itoi ao kam na uouoti banna akanne

²⁷ ngke I kairingkami b'a taenikai nakon te aba ri aon Tamateko, bon ana taeka te UEA ae m'aaka.