Akai 1 - Te B'aib'ara

E Taku Te UEA E Na Riai Ni Manga Kateaki Te Tembora

¹ Ni moanibongin te kaonoua n nam'akaina n ana kauoua n ririki Taraiati ni uea i aon Botia, ao E taetae te UEA n tuanga Akai are te burabeti b'a e na taekina ana rongorongo nakon te kowana i Iuta ao nakon te ibonga are e rietaata. Ma ngaia are, e tuanga te Kowana are Terub'abera ao te ibonga ae rietaata are Iotua te burabeti are Akai.

² te b'ai are E taekinna te UEA ae Moan te M'aaka nakoina ao nakoia aomata:

³ Ko taku b'a tiaki aei te tai ae e riai i bukin katean te Tembora i buku.

⁴ Ma e bon eti b'a ko na maeka n te auti ae e boobuaka,

⁵ ao au Tembora e onrake ni b'aai aika a uruaki? Bon noora te b'ai ae e riki.

⁶ E buubura riki ae ko taia nakon ae ko unikia, e aki konaa n tau m'aitin kanam ma nimam, ko na aki mano raoi ni kunnikaim, ao a na kaawakinaki boom n taiani baeki aika a kirib'angab'anga.

⁷ Ko na iangoi baikai I a tia n taekin!

⁸ Ma te moan b'ai ae ko na karaoia, ko na nako nakon taian tabuki ao karekea te kai i bukin au Tembora, b'a I aonga ni kakatia iai ma n taromauriaki iai.

⁹ Ko kaantaningaa ae rangi ni m'aiti ma ko ti karekea teutana. Ao ngkana ko a uotia nakon mwengam, N na manga kamaunaa. E aera ngkai I a karaoa aei? I bukina ngke ko kawaekoako ni katea oin mwengam, ao e tiku n uruaki au Tembora.

¹⁰ Ao bon anne naba bukina ngkai e aki b'aka te aoi ao e aki reitinako te tai.

¹¹ Ma ngaia are, a na bane n rereua b'aai nako n Au taeka-abami ao ami tabo n uteute, ami nne ni kureebe ao nnen arokami te oriwa, ami man ao ai boni ngkami. A na akea manenan ami m'akuri korakora.

¹² A ongo taeka Terub'abera ao Iotua, n reitaki ma koraki ake a tia n oki man te kataenikaiaki i B'aburon, nakon ana rongorongo te UEA are e taekinaki iroun ana burabeti are Akai, ao a moana karaoan karinean raoi te UEA.

¹³ Ao e tuangiia Akai b'a E a tia ni berita te UEA b'a E na meemena irouia.

¹⁴ Ma ngaia are, E karaoia aomata nako te Atua ae Moan te M'aaka b'a a na rangi ni kan m'akuri n ana Tembora, ai moara ra riki Terub'abera ao Iotua.

¹⁵ Ao e moanaki te m'akuri ni kauabwiin bongin te nam'akaina naba anne.