2.Uea 2 - Te B'aib'ara

Anaakin Eria Iroun te UEA

¹ Tabeua te tai i m'aain anaakin Eria nako karawa n te ang ae e korakora iroun te UEA, ao a kaai ni kitana Kirekara Eria ao Eritai.

² Ao e taku Eria nakon Eritai, E tangirai te UEA b'a N na nako Betaera, ma ko riai n tiku ngkoe ikai. Ao e taku Eritai, I tuea n aran te UEA ae E maiu, ao i matam b'a N na bon aki kikitaniko, e aoria ngkana tao tera ae e na riki. Ma ngaia are, e a airi ma Eria nako Betaera.

³ Ao a titirakina Eritai te bootaki ni burabeti teuana ae a maeka ikekei ni kaangai, Ko ataia ae e nang uotaki nako am mataniwi iroun te UEA n te bong aei? Ao e taku Eritai, Eng, I bon ataia, ma an tai manga tuangai.

⁴ Ao e taku Eria, “Eritai, e tangirai ngkai te UEA b'a N na nako Ieriko, ma ko na tiku ngkoe ikai.” Ao e kaeka Eritai ao e taku, “I tuea n aran te UEA ae E maiu, ao i matam b'a N na bon aki kiitaniko, e aoria ngkana tera ae e na riki.” Ma ngaia are, airi ma Eria nako Ieriko.

⁵ Ao a titirakina Eritai te koraki ni burabeti teuana aika a maeka ikekei ni kaangai, Ko ataia ae E nang uotaanako am mataniwi te UEA n te bong aei? Ao e kaeka Eritai ni kaangai, Eng, I bon ataia, ma an tai manga tuangai.

⁶ E taku Eria nakon Eritai, E tangirai ngkai te UEA b'a N na nakon te Karaanga are te Ioretan, ma ko na tiku ngkoe ikai. Ao e taku Eritai, I tuea n aran te UEA ae E maiu, ao i matam b'a N na bon aki kiitaniko. Ma ngaia are, a manga uaia n reitaanako kawaia.

⁷ Ao a rimwiia Eria ma Eritai nimangaun taiani burabeti mai Ieriko, ao a tei n tarataraia mai kiiraroa ngke a kaai ni m'ananga ngaiia ake uoman nakon te Karaanga are Ioretan.

⁸ Ao ngke a uaia n roko ikekei ngaia ake uoman, ao e buuta kunnikaina Eria, ao e niiroaia ni waerake ao e orea iai te ran. Ao n te tai naba arei, ao e uki te kawai i nanon te karaanga, ao a kaai ni m'ananga ngaiia ake uoman i aon te tano ae m'au.

⁹ Ao ngke a tia n roko n iteran te karaanga are teuana, ao e taku Eria, “Eritai, ae E nang anaai te UEA n te tai ae e aki maan. Tera ae N na karaoia nakoim i m'aain nakou?” Ao e taku Eritai, “I butiiko b'a ko na anganai uoua te tai okiokin m'aakam are ko anganiia burabeti ake te korakina, b'a I aonga n riki b'a oneani mwiim n riki b'a aia tia kairiiri.”

¹⁰ Ao e taku Eria, E na bon kangaanga reken anne, ma ti ngkana ko noorai ngkana I a uotaki nako.

¹¹ Ao a tabe ni m'ananga ma n taetae nikawai ngke e a ti rina naba ni kaoti i marenaia te kaanibuaka ae e ura ae e katikitikaki irouia aoti aika a ura rab'ataia. Ao n te tai naba arei, ao e a roko te ang ae e korakora ni uotaarake rab'atan Eria nako karawa.

¹² Ao e noora te b'ai ae e riki Eritai ao e takaarua ni kaangai, “E a uotaki nako au mataniwi iroun ana tia buaka Iteraera i aon te kaanibuaka ae e katikaki irouia aoti.” Ao ngke e a nako Eria, ao e raeuaaka kunnikaina Eritai i bukin rawawatan nanona.

¹³ Ao e a tia ni b'aka kunnikain Eria, ma ngaia are, e anaia Eritai mai i aontano ao e a okirikaaki nakon te Karaanga are te Ioretan.

¹⁴ E orea te ran n te kunnikai arei, ao e mataku ao e taku, Tera ngkana E karaoi kakai te UEA n aron are E karaoia ngkoa nakon Eria? Ao ni bon te tai are e karaoa aei iai Eritai, ao e a uki naba te kawai ae e m'au i nanon te ran, ao e a m'ananga i nanona.

¹⁵ Ao ngke a noora arei burabetin Ieriko, ao a i taetae i marenaia ni kaangai, E a reke m'aakan Eria iroun Eritai. Ao a nako ni kawaria ao a b'aka ni katorobubua i matan Eritai,

¹⁶ ao a taku, Bon iai iroura ikai m'aane aika a korakora aika nimangaun, taiaoka kanakoia b'a ana kakaaea am mataniwi. E na mena ngkoa ao E uotia nako Tamnein te UEA nakon taiani maunga ke taiani m'arua. Ao e taku Eritai, A na aki kakaaea. E na bon aki konaa n reke irouia.

¹⁷ A teimatoa ni buubutiia ni karokoa e a kua n tuangiia b'a a na aki, ao e a kariaia, ao a kanakoia m'aane akekei burabeti akekei. Ao a kakaaea Eria m'aane akekei i nanon tenibong ma e bon aki roko n te reke irouia.

¹⁸ Ao a okira Ieriko ao e taku Eritai, I bon tuangngkami ngkoa b'a e na bon aki reke iroumi.

Kaitiakan Te Ran Iroun Eritai i Ieriko

¹⁹ Ao n te bong teuana, ao a taku aomata, “Eritai, nooria, moan te raoiroi nnen te kaawa aei, ma e rangi ni buakaka te ran are ti karerekea man ara koburake n ran n te aro are a aki rangi ni maiu raoi iai arokara.”

²⁰ Ao e taku nakoia, Uotaamai te boora n taoro. Ao a uota te boora n taoro nako ina.

²¹ Ao e uotia nakon te koburake n ran. E karenako te taoro nakon te ran ao e taku, E a tia ni kaitiaka te ran aei te UEA, ma ngaia are, e a manga itiaki te ran aei. Ao man te tai aei kam a konaa ni kamaiuraoi arokami, ao a akea ae e na manga baki.

²² E teimatoa n raoiroi te ran arei man te tai arei n aron ana taeka Eritai.

Ataei ni m'aane Aika A B'ainikiriina Eritai.

²³ E kiitana ikekei Eritai, ao e m'angana nako Betaera. Ao ngke e tabe n nakonako ao a takaarua tabeman ataei ni maanee ni b'ainikirinna ao a taku, “Naako mai ikai te mara n atu. Kiitana ikai!”

²⁴ Ao e rairaki Eritai ao e kareke taraaia ataei ni maanee akekei. Ao i mwiina, e a kamaraiaia n aran te UEA. Ao ni bon te tai naba arei, ao a biri n otinako uoman taiani bea man te buakoako ao a raebitiia angaun ma uoman mai buakoia ataei ni maanee akekei.

²⁵ E tam'arakea te Maunga are Karemera, ao i mwiina e okira Taamaria.