2.Tamuera 10 - Te B'aib'ara

Buakan Iteraera Ma Ammon

¹ Tabeua te tai i mwiina, e mate Naati are Uean Ammon, ao e a manga uea natina are Anun.

² E taku Tawita, “E a tia n akoai Naati, ao ngai N na akoa natina te m'aane.” Ma ngaia are, kanakoia tabeman aobitia nakon te aba are Ammon b'a a na tuanga Anun ni kaota nanokaawakina ngkai e a mate tamana.

³ Ma a taku ana mataniwi Anun nakoina, “Ko boni kakoauaa b'a a karinea tamam ngkai e kanakoia aomata aikai b'a a na kaawakiniko? E kanakoia b'a a na tib'aaiakina ara kaawa, b'a e aonga ni konaa n urua.”

⁴ Ma ngaia are, e katikiia ana mataniwi Tawita Anun ao e koroibuaia n iteran ubuia are te iterana. E koroi niiniiraia mai aan beebeia, ao i mwiina, e kanakoia.

⁵ Ao a rangi ni mamaa. Ao Tawita ngke e noora te b'ai are e riki nakoia ana mataniwi, ao e kanakoa ana rongorongo ao e tuangiia ni kaangai, “Kam na tiku i Ieriko ni karokoa rikin buaimi, ao kam a tiba konaa n okiri mwengami.”

⁶ Ao a tib'a ataia kaain Ammon ae a rangi ni kauna Tawita, ma ngaia are, a manga kabooia riki tautia mairouia ianena. Uabwi ma uoua te ngaa mai buakoia aika taan nakonako man kaawan Aramean ake Beta Reoba ao Tob'a, teuana tengaa mairoun te uea are Maaka, ao tebwi ma uoua tengaa man te aono are Toba.

⁷ Ao e ongo Tawita te b'ai are a tia ni karaoia, ao e kanakoa Ioaba ma ana tautia ni kabane ake a bane aroia.

⁸ Ao a otinako ana taanga ni buaka Ammon ao a katauraoi nakon te buaka i matan mataroan aia kaawa. A katea aia koraki ae e kaokoro kaain Aramean (Aram) ake mai Tob'a ao Reoba, ao tautian Toba ma Maaka a katea aia koraki teuana n taian rereua ake a kaan.

⁹ Ao e nooria Ioaba b'a e na riai n buaka mai moa ao mai buki n te tai ae ti teuana, ao e anaia tabeman tautian Iteraera ake a bane aroia b'a a na buakaniia kaain Ammon.

¹⁰ E katea tarina are Abitiai b'a e na kam'anta i bukin te taanga ni buaka ni kabane ao e buakaniia kaain Ammon.

¹¹ E tuanga tarina Ioaba ni kaangai, “Ngkana I a aki konaa ni kaaitaraia kaain Aram b'a a m'aiti riki nako iu, ko konaa ni manga roko ni buokai. Ao ngkana arona b'a e korakora riki nakoim kaain Ammon, N na manga roko ni buokiko.

¹² Ko na ninikoria ao kakorakorako ni kaawakiniia ara aomata ao ana kaawa te Atua. Bon au tataro b'a E na karaoi b'aai nako te UEA ae e kukurei iai.”

¹³ Ao a buakaniia kaain Aram Ioaba ma ana tautia, ao a biri nako kaain Aram mairouia.

¹⁴ Ao ngke a nooria tautian Ammon b'a a biri nako kaain Aram, ao a manga biri nako mairouia ana taanga ni buaka Abitiai ao a nako n okira oin aia kaawa. E katoka te buakaniia kaain Ammon ao e okira Ierutarem.

¹⁵ Ao a ataia kaain Aram ae a konaaki n te buaka, ma ngaia are, a bootia aia taanga ni buaka n ti teuana.

¹⁶ E kanakoa ana rongorongo Atatetera ni kawaekoaia kaain Aram ake n iteran te Karaanga are Iuberetiti are teuana. Ao i mwiina, e kairiia Tiobaka are ana mataniwi n taanga ni buaka Atatetera, nakon te kawa are Eram.

¹⁷ Ao Tawita e ataa te b'ai are a karaoia kaain Aram, ao e a bootia ana taanga ni buaka Iteraera ni kabane. A ri aon te Karaanga are te Ioretan ao a nako Eram, ike a bootaki iai kaain Aram b'a a na kaaitibo iai ma ngaiia.

¹⁸ Ao a buaka kaain Aram, ma a biri nako mairouia Iteraera. E tiringiia itibubua taani kabuti taiani kanibuaka ao abwi tengaa taani buaka mai aoia aoti. Ao e bon tiringa naba Tiobaka, ma mataniwiin aia taanga ni buaka.

¹⁹ Ao ngke a nooria taian uea ake a mena ngkoa i aan ana tautaeka Atatetera b'a a konaaki irouia Iteraera, ao a kariaia Tawita b'a e na riki b'a aia tia tautaeka. Ao a maaku kaain Aram ni manga buokiia riki kaain Ammon.