2.Rongorongo 4 - Te B'aib'ara

Karaoan B'ain Nanon Te Tembora

¹ Ao Toromon e tua karaoan te baonikarea ae te buraati ae 9 te miita rababana ma ab'akina ae 4 ma te iterana rietaatana.

² E anga naba ana taeka b'a e na karaoaki te boora ae e buubura ae te buraati ae aranaki b'a Taari. Bon 4 ao te iterana te miita buuburana, ao 2 te miita rietan nanona, ao tebwi ma teniua te iterana te miita mronronna.

³ E katamaroaaki mataniwiin tinanikuna n uoua riakin tamnein taiani kao m'aane, tengaun taiani kao m'aane ni katoa 45 te tientemiita, aika a bane ni karaoaki man te buraati, are e karaoaki iai naba te boora.

⁴ E toka te boora arei i aon taian kaom'aane aika buraati aika tengaun ma uoman, aika kakateniman kaom'aane ni kaaitarai taabo aika aua.

⁵ Matenin te boora arei bon itibwi ma nimaua te mirimiita, ao mataniwiina kaanga tein te m'angko ae katotongan baan te uee. E konaa ni nneaki i nanon te boora arei onobwi te ngaa te riita.

⁶ E karaoi naba tebwina boora aika a uarereke ao e katikui nimaua n iteran te Tembora are maiaki ao nimaua n iteran te Tembora are meang. A kabonganaaki taiani boora ake a uarereke i bukin kaitiakan taiani man ake a kabuokaki b'a taiani karea i aon te baonikarea, ao e kabonganaa te ran te ibonga man te boora are e buubura i bukin kaitiakan baina.

⁷ A karaoaki naba taiani kai n taura koora aika tebwina n aron are e a tia ni baaireaki n te tamnei. E katikui taian kai n taura aikai Toromon i nanon te Tembora, kakanimaua n iteran nako te ruu are e buubura.

⁸ E karaoi naba tengaun taian taibora ao e katikui naba n te ruu are e buubura, kakanimaua n iterana nako. Ao e karaoa naba tebubua taiani boora ni katimtim aika koora aika a uarereke.

⁹ E anga ana taeka Toromon b'a e na karaoaki katawanangin te Tembora aika uoua. Iai te katawanang ae e buubura, ao iai ae e uarereke: te katawanang are e uarereke bon ti ibonga aika a konaa ni kamanenaa. A kabiraki mataroan taian katawanang aikai n te buraati.

¹⁰ E katukaki te boora are e buubura are e aranaki b'a Taari i rarikin koonan te Tembora are mainiku maiaki.

¹¹ E karaoi taian tiabora ma boora ni katimtim, ao baanin te mannang. Aikai riki b'ain nanon te Tembora ake e karaoi naba i bukin ana Tembora te Atua:

¹² Uaai taiani boua, ao uoua rabunan tabona aika tein te boora ake a toka i aon tabon taiani boua aikai, ao uoua tamnein taian tiein i aon rabunan taiani boua aikekei,

¹³ abubua taiani bamkuranete i bukin tamnein taian tiein,

¹⁴ ma taian kaintei ao taiani boora ake a uarereke,

¹⁵ te boora are e buubura ao tengaun ma uoman kaom'aane ake a taua,

¹⁶ baanin taiani mannang aika a kabuebue, ao ai uana naba ma taiani tiabora ao kainiwaiteken te irikomaiu. E karaoi b'aai aikai Uram man te buraati ae e karaneaneaaki

¹⁷ are e kab'aroaki nako nanon nnena ngkana e ran n te kabuebue ao e katei i rarikin te Karaanga are Ioretan, i marenan Tukota ma Tereta.

¹⁸ E bon rangi n rawata taiani buraati ake a kamanenaaki i bukin b'ain nanon te Tembora n te aro are akea ae e ataia raoi b'a iraua m'aitin ae e a tia ni kamanenaaki iai.

¹⁹ Ao aikai naba b'ain nanon te Tembora ake e tua Toromon b'a a na karaoaki man te koora: te baonikarea, taiboran taiani kariki are e tabu,

²⁰ kaintein taian taura nenea are e kakauraaki i matan te Tabo are Moan te Tabu,

²¹ tamnein taian uee, taian taura ao taian kaibiti,

²² b'ain tiringan te taura, taiani boora ni katimtim aika a uarereke, rauraun te b'ai ni kaboiarara, baanin te ai, ao taiani mataroa nakon te Tabo are Moan te Tabu ao mataroan ruun te Tembora are n te katangaina.