1.Tamuera 10 - Te B'aib'ara

¹ Ao e anaa te tiaeki ni b'a n oriwa ae uarereke Tamuera ao e kab'aroa i aon atuun Tauro. Ao i mwiina, e kiitina Tauro ao e taku nako ina: E a tia n rineiko te UEA b'a te tia kairiiri ao te tia tautaeka i aoia Ana aomata.

² Ngkana kam kiitanai n te bong aei, ao ane kam na kaaitibo ma m'aane aika uoman i rarikin ruanimaten Rakera i Tereta i abaia kaain te baronga are Beniamin. Ane a na kaangai nako imi, “E a tia n reke te aati are kam kakaaea. E a m'aninga taekana tamam, ma e a manga raraomaeakiningkami! E a manga tabe n iangoa aron rekemi.”

³ Kam na waakinako mai ikanne ni karokoa kam roko n te kai ae te oke are korakora are i Tabora, ike kam na manga kaaitibo iai ma teniman m'aane aika a na nako n taromauria te Atua i Betaera. Temanna mai buakoia e na kairiia teniman taiani kooti, ao temanna e na uoti tenua taiani kariki aika mronron, ao te kabanea e na uota te tiaeki ae karaoaki man te bokaboka ae kakanoa n te wain.

⁴ Ao ngkana a tia ni kamauringkami, ao ane a na anganingkami taiani kariki ake uoua.

⁵ Ao i mwiina, kam na manga nako Kibea, ike a kaemb'a iai aia taanga ni buaka kaain Biritia. Ao ngkana kam tabe ni m'ananga nakon te kaawa, ao ane kam na kaaitibo ma koraki n burabeti aika ruorikaaki man te tabo n taromauri. Ane a na nakonako man taetae ni burabeti ao tabeman ane a na nakonako i moaia ma ni katangtang n taian aabi aika uarereke, ma taian turam aika uarereke, ao taian kaib'ab'aa.

⁶ Ao ane na niningkami Tamnein te UEA. Ao kam na riki b'a aomata ngkami aika kam kaokoro, ao ane kam na taetae ni burabeti ma ngaiia.

⁷ Ao ngkana a tia n riki baikai, ao kam na karaoi b'aai nako akana kam taku b'a a eti! E na buokingkami te Atua.

⁸ Ao i mwiina, kam na nako Kirekara. N na rimwi n roko ikanne, ma ngaia are, kam na taningaai. Tao e na bon reke te wiiki m'anangau n nakoati, ma ngkana I roko, ao n na anga karea ma taian angab'ai nakon te UEA. Ao n na manga tuangingkami te b'ai are kam na manga karaoi i mwiina.

Okin Tauro Nakoni Mwengana

⁹ Ao ngke e rairaki nako Tauro b'a e nang kiitana Tamuera, ao te Atua E angan Tauro te nano ae kaokoro. Ao a bane n riki b'aai n te bong naba arei n aron are a tia n taekinna Tamuera.

¹⁰ Ao ngke e roko Tauro i Kibea, ao e kaaitibo ma koraki ni burabeti. Ao e rina n niniaki n Tamnein te Atua, ao e a moana ana taetae ni burabeti i nuukan te koraki arei.

¹¹ Ao aomata ake a boni ngae n nonora Tauro a nooria ngke e a taetae ni burabeti ma ni karaoi aroia burabeti. Ao a taetae bon i marenaia ni kaangai, “Tera ae riki? E na kanga n riki Tauro b'a te burabeti?”

¹² Ao e taku temanna mai buakoia, “B'a e aera ngkai e na aki kona? E bon riai riki n riki ni burabeti nakoia tabem'aang!” Ao bon anne bukina are a kaangai iai aomata ni kabane, “E na kanga n riki ni burabeti Tauro?”

¹³ Ao ngke e tia n taetae ni burabeti Tauro, ao e nakon te tabo n taromauri.

¹⁴ Ao rimwi riki, ao e titiraki tarin taman Tauro ni kaangai, “Ko mena ia?” Ao e kaeka Tauro, “I kakaaei taian aati. Aki roko n te reke i roura, ngaia are, ti a manga nako ni maroroo ma Tamuera!”

¹⁵ Ao e taku tarin taman Tauro, “Ao tera ae taekinna nako imi?”

¹⁶ Ao e taku Tauro, “E tuangiira b'a a tia n reke taian aati.” Ma e aki taekinna Tauro ae e a tia Tamuera n rineia b'a te uea.

Kaotakin Tauro Iroun Te UEA B'a Te Uea

¹⁷ Ao e kanakoa te rongorongo Tamuera nakoia Iteraera b'a ana bootaki i Mitib'a b'a a na kaaitibo ma te UEA.

¹⁸ Ao ngke a bane n roko aomata, ao e taku Tamuera: Ao E tuangai te UEA ae Atuaia Iteraera b'a n na kauringngkami are E a tia ni kamaiungkami mai Aikubita, ao mairouia naba botannaomata ake tabeua ake a karawawataingkami.

¹⁹ E a tia te Atua ni kamaiungkami man taiani kangaanga ma taiani kabuanib'ai. Ma kam a tia ni kamoamoaingkami nakon Atuami ma n bubuti karekean ami uea. Ma ngaia ae ngkai, kam na bane ni kaaningkami baronga ma kaainga n tatabeua nako nakon te tabo n taromauri b'a E aonga n rinea te uea te UEA.

²⁰ Ao e kawaerakeia baronga n tatabeua nako Tamuera nakon te baonikarea, te barongana i mwiin te barongana, ao te UEA E rinea te baronga are Beniamin.

²¹ Ao i mwiina, e kawaerakeia kaaingan te baronga are Beniamin Tamuera, ao te UEA E rinea te kaainga are Materi. Ao n te kabanea, e a rineaki Tauro are natin Kiti te m'aane. Ma ngke a kakaaea, ao e aki roko n te reke.

²² Ao a tataro aomata ni kaangai, “Ara UEA, e mena ikai Tauro ke e aki?” Ao E taku te UEA, “Eng, ane e karaba i buakon b'aai.”

²³ Ao a birinako aomata n anaa Tauro ao a kairiia rikaaki nako nukan te botaki. Bon te aomata ae ab'ab'aki riki nakoia aomata ni kabane.

²⁴ Ao e taku Tamuera nakoia aomata, “Karaua n tara te aomata ae a tia n rineia te UEA! Bon akea te aomata ae ai arona!” Ao a takaarua aomata, “E na anaanau maiun te uea!”

²⁵ Ao e kab'arab'arai ana m'akuri te uea ma tib'angana ao e koroi i aon te boki. Ao e katuka te boki n ruun te tembora n te tabo are tataromauriaki iai te UEA. Ao i mwiina, e a kaokiia aomata Tamuera nakon mwengaia.

²⁶ Ao e a tia Tamuera ni kaungai nanoia rorobuaka tabeman b'a a na iriira Tauro n taai nako, ao ngke e okira mwengana i Kibea ao a iria rorobuaka akekei.

²⁷ Ma a taku tabeman aomata aika nanobaba aika akea maneia, “E na kanga Tauro ni kamaiura mairouia ara kairiribai?” A aki tangiria b'a e na uea Tauro i aoia, ao a aki uoti naba taiani b'aintangira nako ina. Ma e taotaona nanona Tauro.