1.Rongorongo 7 - Te B'aib'ara

Ana Kariki Itakara

¹ Itakara bon tamaia naati m'aane aika aman: Tora, Buwa, Iatuba, ao Timron.

² Tora bon tamaia Uti, Reb'aia, Ieriera, Iamai, Ibetam, ao Temuera, ake bon taani buaka aika a ninikoria ao bon taani kairiiri naba man aia utu n aia kaainga. Bootan m'aitiia kaain ana utu Tora bon 22,600 n te tai are e riki iai Tawita b'a te uea.

³ Uti bon tamaia Itiraia ao tibuia Mikaera, Ob'aria, Ioera, ao Itiia te unim'aane, ake bon taani kairiiri naba man taiani utu.

⁴ E bon rangi buubura naba aia utu n te aro are m'aitin aia taanga ni buaka n aia kaainga bon 36,000.

⁵ Ni koauana raoi n aron are e tauaki mwiina n rongorongon aia utu, bootaia ana taani buaka te baronga are Itakara bon 87,000.

Ana Kariki Beniamin ao Taan

⁶ Beniamin bon tamaia naati m'aane aika teniman: Bera, Bekera, ao Ieriaera.

⁷ Bera bon tamaia Etibon, Uti, Utiera, Ierimota, ao Iri. Bon taani buaka ngaiia aika a ninikoria ao taani kairiiri naba n aia utu n ana kaainga tamaia. M'aitin aia tautia n aia kaainga bon 22,034.

⁸ Bekera bon tamaia Temira, Ioati, Erietera, Erioenai, Omri, Ieremota, Abiia, Anatota, ao Aremeta.

⁹ N aron are e oti n Rongorongon aia utu bon 20,200 m'aitiia tautia i nanon te kaainga aei, ao ai uana naba ma taani kairiiri man taian utu.

¹⁰ Ieriaera bon tamaia Birean ao tibuia Ieuti, Beniamin, Euta, Kenaana, Tetan, Taretiti, ao Aitia te unim'aane.

¹¹ Bon taani kairiiri ngaiia n aia man aia utu n aia kaainga, ae m'aitin te tautia aika a taubobonga nakon te buaka bon 17,200.

¹² Ira bon tamaia Tubim ao Ubim, are bon kaain te kaainga aei. Taan bon taman Utim.

Ana Kariki Nabetari

¹³ Tinan Nabetari bon Nei Birea, ao bon taman Iatiera, Kuni, Ietera, ao Tiarum.

Ana Kariki Manate

¹⁴ Aia karo Atiera ao Makira are taman Kireata bon Manate ao buuna are ainen Turia.

¹⁵ Ao Makira e karekea buun Ubim ao Tubim. Ao iai m'anen Makira ae arana Nei Maaka. Bon ana kariki naba Manate teuare Terobeata, ao iai niiman natina aine.

¹⁶ Makira ma buuna are Nei Maaka bon aia karo Bereti ao Tereti. Bereti bon tamaia Uram ao Rekem.

¹⁷ Uram bon taman Betan. Aikai ni kabane ana kariki Kireata, are natin Makira te m'aane ao tibun Manate.

¹⁸ M'anen Kireata are Nei Ammoreketa bon tinaia Itiota, Abietera, ao M'aara.

¹⁹ Temita are temanna naba mai buakoia ana kariki Manate bon ngaia tamaia Aian, Tekem, Riki, ao Aniam.

Ana Kariki Eberaim

²⁰ Eberaim bon taman Tutera ao aia bakatibu Bereta, Taata, Ereata, Taata,

²¹ Tab'ata, ao Tutera. Bon iai riki natin Eberaim aika uoman m'aane, aika Etera, ao Ereata. Ma a kaai n tiringaki ngke a kataia n iraei aia man aomata ake a maeka n te aba are Kata.

²² Ao e tanginiwenei Eberaim i bukiia natina m'aane aikai n te tai ae e maan, ao a roko ana koraki ni karaua nanona.

²³ N te tai teuana rimwi riki ao e a manga bungiia te nati te m'aane buuna, ao e aranna Eberaim b'a Beria, i bukina ngke e bungiaki i nanon te tai n rawaawata.

²⁴ Natin Eberaim te aine bon Nei Teera. Bon ngaia are e katei kaawan Beta Oron inano, Beta Oron ieta, ao Uten-Teera.

²⁵ Bon iai naba natin Eberaim te m'aane ae arana Reb'a, ao ana kariki bon Reteba, Tera, Taan,

²⁶ Ratan, Ammiuta, Eritiama,

²⁷ Nun, ao Iotua.

²⁸ A taua te aba are mai Betaera nako Naaran, ao ni wairio nako Ketera. A reke naba n abaia kaawa aika a uarereke ni kabane ake i rarikin kaawa, ao ai uana naba ma Tekem, Aiia, ao kaawa aika a uarereke ake i rarikiia.

²⁹ Aikai aaba ake a reke i nanon te aaba are a tekateka iai ana kariki Manate: Beta Tean, Tanaaka, Mekito, Tora, ao kaawa aika a uarereke ake a kaan. A maeka ana kariki Ioteb'a ni kaawa aikai ao kaawa naba aika a uarereke aikai.

Ana Kariki Atera

³⁰ Bon iai natin Atera aika aman m'aane aika, Imna, Itiwa, Itiwi, ao Beria, ao temanna natina te aine ae Nei Tera.

³¹ Beria bon tamaia Ebera, Marekiera are taman Biretaita.

³² Ebera bon iai natina m'aane aika teniman aika, Iabereta, Tiomera, ao Otam, ao temanna natina te aine are Nei Tiua.

³³ Iabereta bon tamaia B'ataka, Bimara, ao Atiwata.

³⁴ Temera bon tamaia Ai, Roka, Ieub'a, ao Aram.

³⁵ Ao tarin Iabereta are Otam bon tamaia Tob'a, Imna, Tereti, ao Amara.

³⁶ Tob'a bon tamaia Tua, Arenebera, Tuara, Beri, Imra,

³⁷ Betera, Ota, Tiamma, Tireta, Iteran, ao Beera.

³⁸ Ietera bon tamaia Iebunne, Bitiba, ao Ara.

³⁹ Ura bon tamaia Ara, Anniera, ao Ritia.

⁴⁰ Aikai ana kariki Atera, ao bon taani kairiiri ngaia n aia utu aika a mwiokoaki ao tautia naba ngaiia aika a ninikoria. Bootan ana tautia te baronga are Atera bon 26,000.