1.Rongorongo 25 - Te B'aib'ara

Anganakiia Taani Katangitang i nanon te Tembora Tabeia Iroun Tawita

¹ Ao Tawita ma mataniwin te Tembora a rineia ana kariki Ataba, Eman, ao Ierutun b'a taan tararua te katangitang. A na neboa te UEA ni katangi taian timbara, aabi ao b'aai ni katangitang ake taiani karai. Aikai araia taani katangitang ma tabeia:

² Natin Ataba m'aane ake aman aika, Takuura, Ioteb'a, Netania, ao Atiarera, ake a mena i aan ana kairiiri tamaia ao a katangi taiani b'ai ni katangtang ngkana e tuangiia te uea b'a a na karaoia.

³ Natin Ierutun ake m'aane ake onoman bon Ketaria, Teri, Ietiaia, Timei, Atiabia, ao Matitia, a mena i aan ana kairiiri tamaia ao a katangi taian aabi ao a anenei taian nebo nakon te UEA.

⁴ Bon iai natin Eman aika tengaun ma aman b'a: Bukiia, Matania, Utiera, Tebuera, Ierimota, Anania, Anani, Eriata, Kitareti. Romamtietera, Iotibekatia, M'aroti, Otira, ao M'aatiota.

⁵ Eman bon ngaia temanna ana burabeti te uea, ao e karinea Eman te Atua n anganna natina m'aane aika tengaun ma aman ao teniman natina aine.

⁶ A bane ni mena natina i aan ana kairiiri ao a katangi taian timbara, aabi, ao b'aai ni katangitang ake taiani karai i nanon tain te taromauri n te Tembora. A karekea te babaaire Ataba, Ierutun, ao Eman, ti mairoun te uea.

⁷ Bon uabubua wanibwi ma m'aane m'aitiia m'aane aikai, ao a bane n rangi ni b'akuaku n te anene ma te katangitang.

⁸ E anganiia tabeia Tawita koraki aikai man titirakinan te UEA b'a tera ae e tangiria. A bane n reke tabeia ni b'aai ni kabane, e ngae ngkana e rangi n ataei ke e a kara, te tia reirei ke ataein te reirei.

⁹ A bwenauaaki taani katangitang nakon uabwi ma aua te m'akoro ae kaka tengauni ma uoman m'aitiia,

¹⁰ ao a tannako m'akoro akekei n tatabeua nako i aan araia aia taani kairiiri n aia utu.

¹¹ Ao anganaki tabeia nako ni moa mairoun:

¹² Ioteb'a,

¹³ Ketaria,

¹⁴ Takuura,

¹⁵ Teri,

¹⁶ Netania,

¹⁷ Bukiia,

¹⁸ Atarera,

¹⁹ Ietiaia,

²⁰ Matania,

²¹ Timei,

²² Utiera,

²³ Atabia,

²⁴ Tebuera,

²⁵ Matitia,

²⁶ Ierimota,

²⁷ Anania,

²⁸ Iotibekatia, Anani,

²⁹ Maroti, Eriata,

³⁰ Otira, Kitareti,

³¹ Matiota, ao Romamtietera.