1.Rongorongo 2 - Te B'aib'ara

Ana Kariki Iuta

¹ Iakob'a bon tamaia naati m'aane ake tengaun ma uoman ake Reuben, Timeon, Rewi, Iuta, Itakara, Teburun,

² Taan, Ioteb'a, Beniamin, Nabetari, Kata, ao Atera.

³ Iai natin Iuta ma buuna are ainen Kanaan are Nei Batatua aika teniman m'aane aika: Era, Onan, ao Tiera. Ma E kamatea Era are te karimoa te UEA, i bukina ngke e aki ongotaeka iroun te UEA b'a e karaoi m'akuri ake E ribai karaoaia te UEA.

⁴ Ao iai natin Iuta ma buun natina are Nei Tama aika uoman aika Bereti, ao Tera.

⁵ Bereti bon tamaia Etiron ao Amura.

⁶ Tera bon tamaia Timri, Etan, Eman, Karekora, ao Tara.

⁷ E karika te kaangaanga nakon Iteraera Akan are ana kariki Tera are natin Karemi te m'aane ngke e taui b'a ana b'ai b'aai ake bon Ana b'ai te UEA.

⁸ Natin Etan te m'aane bon Ataria.

Ana Bakatibu Te Uea Are Tawita

⁹ Etiron bon tamaia Ierameera, Ram, ao Kareb'a.

¹⁰ Ram bon taman Amminataba ao tibun Nation are te tia kairiiri man te baronga are Iuta.

¹¹ Ana kariki Nation bon Tarema, Boati,

¹² Obeta, ao Iete.

¹³ Iai natin Iete aika itiman m'aane ake a bungiaki n aron aei: Eriaba, Abinataba, Timea,

¹⁴ Netanera, Ratai,

¹⁵ Otem, ao Tawita.

¹⁶ Bon iai naba natin Iete uoman aine aika: Nei Teruia, ao Nei Abikaira. Teruia bon tinan Abitiai, Ioaba ao Ataera.

¹⁷ Nei Abikaira bon buun Ietera, are a na kariki Itimaera, ao natiia te m'aane bon Amata.

Ana Kariki Etiron

¹⁸ E mare natin Etiron te m'aane are Kareb'a ma Nei Atuba, ao natiia te aine bon Nei Ieriota, are tinaia Ietera, Tiobaba, ao Areton.

¹⁹ I mwiin maten Nei Atuba, ao e a manga mare Kareb'a ma Nei Eberata. Natiia te m'aane are Ura

²⁰ boni ngaia taman Uri, ao tibun Betarera te m'aane.

²¹ Ngke ai 60 ana ririki ni maiu Etiron, ao e mare ma natin Makira te aine are e tekateka n te aono are Kireata. Natiia te m'aane are Tekuba,

²² bon tamaia Iaira, are e tautaekani 23 kaawa n te aono are Kireata.

²³ Tabeua te tai i mwiina, ao a taui 60 taiani kaawa n te aono anne bootanaomatan Ketura ao Aram, n reitaki ma kaawa ake a uarereke ake ana b'ai Iaira, ao ai arona naba ma ana kaawa Kenata ao kaawa ake a uarereke ake i rarikina. Bon ana kariki Makira aomata ni kabane ake n aonon nako Kireata.

²⁴ I mwiin maten Etiron, ao e mare Kareb'a ma Nei Eberata are buun tamana. Natiia te m'aane bon Atura. N te tai teuana rimwi, e a karaoa tekatekana n te kaawa are Tekoa.

Ana Kariki Ierameera

²⁵ Ierameera are ana karimoa te m'aane Etiron boni ngaia tamaia Ram, Buuna, Oren, Oten, ao Aiia.

²⁶ Ana kauaei Ierameera bon Nei Atara, are e bungiia Onam.

²⁷ Ram bon tamaia Maati, Ianim, ao Ekera.

²⁸ Onam bon tamaia Tiammai ao Iata. Tiammai bon tamaia Nataba, ao Abitura.

²⁹ E mare Abitura ma Nei Abiaira, ao uoman natiia m'aane aika Aban ao Morita.

³⁰ Nataba bon tamaia Tereta ao Abaim. E aki kariki Tereta;

³¹ ao natin Abaim te m'aane bon Iti, are taman Tetian ao tibun Arai te m'aane.

³² Iata bon tamaia Ietera ao Ionatan. Bon akea natin Ietera,

³³ ma iai natin Ionatan aika uoman aika Bereta, ao Tata.

³⁴ Akea natin Tetan te m'aane, ma ngaia are, e kaieina natina te aine temanna ma Iara,

³⁵ are ana toro are kaain Aikubita. Aran natiia bon Atai,

³⁶ are taman Natan ao tibun Tabata.

³⁷ Bon ana kariki naba Tabata koraki ake Eberara, Obeta,

³⁸ Ieu, Ataria,

³⁹ Ereti, Ereata,

⁴⁰ Titimai, Tarum,

⁴¹ Iekamia, ao Eritama.

Ana Kariki Kareb'a

⁴² Aikai ana kariki Kareb'a are tarin Ierameera: Metia, Tib'a, Maretia, Eberon,

⁴³ ao natin Eberon ake m'aane aika aman ake Kora, Tabua, Rekem, ao Tema.

⁴⁴ Tema bon taman Raam ao tibun Iorekeam te m'aane. Rekem bon taman Tiammai,

⁴⁵ tibun Maon, ao tibutorun Betatura te m'aane.

⁴⁶ Nei Eb'a bon temanna mai buakoia buun Kareb'a, ao natiia m'aane bon Aran, Mota, ao Kateti. E arana natina Aran n aran tarina are Kateti.

⁴⁷ Nei Eb'a bon natin Iatai te aine, are bon tamaia naba Rekem, Iotam, Ketian, Berete, ao Tiaaba.

⁴⁸ Maaka bon buun Kareb'a temanna, ao natiia m'aane bon Tebera, ao Tireana.

⁴⁹ Rimwi riki, a manga riki natiia uoman m'aane aika Tiaaba are tamaia Matemanna, ao Tewa are tamaia Makebena ao Kibea. Natin Kareb'a te aine bon Nei Aketa.

⁵⁰ Aikai naba ana kariki Kareb'a. Ana karimoa Kareb'a ma Nei Eberata bon Ura

⁵¹ are teniman natina m'aane aika: Tiobara, Tarema, ao Areb'a, are e tekateka n te kaawa are Betakatera.

⁵² Tiabora are e tekateka n te kaawa are Kireata iearim are bon aia bakatibu Aroe, ao iteran te kaainga are Menuoti,

⁵³ ao taiani kaainga ake a maeka i rarikin Kireata iearim; ake kaain Ietera, kaain Buta, kaain Tumati, ao kaain Mitiri.

⁵⁴ E tekateka Tarema n te kaawa are Betereem ao boni ngaia aia bakatibu kaain Netobata, kaain Aterobeta Ioaba, ao iteran te kaainga are Manate, ao kaain Tora.

⁵⁵ Tarema bon aia bakatibu naba te kaainga are e mena i Iabeta, are e kaawakin rongorongon taiani kabowi ao te tautaeka, ake boni kaain Tira, Timea, ao Tukata. Kaainga aikai, bon ana kariki Amata are kaain Ken, are aia bakatibu kaain Rekaba.