1.Rongorongo 1 - Te B'aib'ara

Ana Kariki Atam

¹ Atam bon taman Teta, ao ana kariki bon Enoti, Kenan,

² Maararera, Iareta,

³ Enoka, Metutera, Rameka,

⁴ Nooa, ae iai natina m'aane aika teniman aika Tem, Aam, ao Iabeta.

⁵ Iabeta bon tamaia Komera, Makoka, Matai, Iawan, Tubara, Meteka, ao Tirati, ao boni ngaiia aia bakatibu taian abanuea aika a ingoanaki n araia.

⁶ Komera bon aia bakatibu Atikenati, Ribena, ao Tokarema.

⁷ Iawan bon aia bakatibu Eritia, Taretiti, Kitim, ao Rotanim.

⁸ Aam bon tamaia Itiobia, Aikubita, Buta, ao Kanaan. Boni ngaiia naba aia bakatibu abanuea ake a ingoanaki n araia.

⁹ Itiobia bon ana bakatibu Teba, Awira, Tabeta, Raam'a, ao Tabeteka. Raam'a bon aia bakatibu kaain Tieba ao Tetan.

¹⁰ Itiobia bon taman naba Nimrota, are te moan tia buaka ae e korakora n te aonnaba.

¹¹ Aikubita bon aia bakatibu kaain Ruria, kaain Anam, kaain Reaba, kaain Nabetu,

¹² kaain Bateru, kaain Katiru, ao kaain Kabetori are aia bakatibu kaain Biritia.

¹³ Natin Kanaan te m'aane ae te karimoa bon Titon, ao natina te m'aane are temanna bon Eta.

¹⁴ Kanaan bon aia bakatibu naba kaain Iebuti, kaain Amora, kaain Kirekara,

¹⁵ kaain Iwa, kaain Areka, kaain Tini,

¹⁶ kaain Arewa, kaain Temara, ao kaain Amata.

¹⁷ Tem bon aia bakatibu Eram, Atura, Arebaketiata, Ruuta, Aram, Uti, Ura, Ketera, ao Meteka; bon ngaiia aia bakatibu abanuea akana a ingoanaki n araia.

¹⁸ Arebaketiata bon taman Tiera ao tibun Ebera.

¹⁹ E arana natina Ebera are te karimoa te m'aane b'a Bereka, i bukina ngke e korokoreaki aonteaba imarenaia taiani baronga n ana tai. Aran natina te m'aane are te kauoman bon Ioketan,

²⁰ are aia bakatibu Aremotata, Tereba, Ataremaweta, Iera,

²¹ Atoram, Utara, Rikera,

²² Eeb'ara, Abimaera, Tieba,

²³ Obira, Awira, ao Iobaba.

²⁴ Ana kariki Tem bon Arebaketiata, Tiera,

²⁵ Ebera, Bereka, Reu,

²⁶ Teruka, Naora, Tera

²⁷ ao Aberam are e a manga aranaki rimwi b'a Aberaam.

Ana Kariki Aberaam

²⁸ Aberaam bon tamaia Itaaka ma Itimaera.

²⁹ Bon iai natin Itimaera aika tengaun ma uoman, aika a bungiaki n aron aei: Neb'aiota, Keta, Atebeera, Mibetam,

³⁰ Mitima, Ruma, Mata, Atata, Tema,

³¹ Ietura, Nabiti ao Ketem'a.

³² Bon iai natin Aberaam ma ana toro te aine are Nei Ketura aika onoman m'aane aika: Timran, Ioketian, Metan, Mirian, Itibaka ao Tua. Ioketian bon tamaia Teba ma Tetan.

³³ Mirian bon tamaia Eba, Ebera, Anoka, Abita ao Eretaa.

Ana Utu Etau

³⁴ Natin Aberaam te m'aane are Itaaka bon tamaia Etau ao Iakob'a.

³⁵ Etau bon taman Eribati, Reuera, Ieuti, Iaram ao Kora.

³⁶ Eribati bon tamaia Teman, Oma, Tebi, Katam, Kenati, Timna ao Amareka.

³⁷ Reuera bon tamaia Naata, Tera, Tiamma, ao Mita.

Moan Aomata Irouia Kaain Etom Ma Aia Uea

³⁸ Teira bon tamaia Rotan, Tiobara, Tibeon, Ana, Rition, Etera, ao Ritian.

³⁹ Rotan bon tamaia Ori, ao Oman. M'anen Rotan bon Nei Timna.

⁴⁰ Tiobara bon tamaia Arian, Manaata, Eeb'ara, Tebi, ao Onam. Tibeon bon tamaia Aia ao Ana.

⁴¹ Ten Ana bon tamaia Rition ao tibun Amran, Etiban, Iteran, ao Keran.

⁴² Etera bon tamaia Birean, Taawan, ao Iaakan. Ritan bon tamaia Uti ao Aran.

⁴³ I m'aain tautaekaia taiani uea i aon Iteraera, ao e tautaeka Bera are natin Beora te m'aane n te aba are Etom man ana kaawa n tautaeka are Rinaba.

⁴⁴ I mwiin maten Bera, ao e a manga uea Iobaba are natin Tera te m'aane are kaain Botira.

⁴⁵ I mwiin maten Iobaba, ao e a manga uea Utiam are kaain te aba are Teman.

⁴⁶ I mwiin maten Utiam, ao e a manga uea Atata are natin Betata te m'aane, ao e tautaeka mai Awita. Mai i m'aaina, e a tia Betata ni kataenikaiia kaain Mirian n te aba are Moaba.

⁴⁷ I mwiin maten Atata, ao e a manga uea Tamra are kaain Matireka;

⁴⁸ i mwiin maten Tamra, ao e a manga uea Tiaura are kaain te kaawa are Reobota are n te Karaanga are te Iuberetiti;

⁴⁹ ao i mwiin maten Tiaura, ao e a manga uea B'aaraanan are natin Akeboa te m'aane.

⁵⁰ I mwiin maten B'aaraanan, ao e a manga tautaeka Atata mai Bai. Arani buuna bon Nei Meetabera are natin Nei Matereta ao tibun Metaaba.

⁵¹ Aran aia kaainga nako kaain Etom bon Timna, Aria, Ieteta,

⁵² Ooribam'a, Era, Binon,

⁵³ Kenati, Teman, Mibeta,

⁵⁴ Makeriera, ao Iram.