Ukũnukulua 15 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

uYohana wiona isheme nĩmakuo mupũngatĩ

¹ Namona kĩlĩngasĩĩlio nĩkĩĩa mwigyulu, kĩkulu kangĩ kya ukulĩlua; amalaĩka mupũngatĩ akola makuo mupũngatĩ ma mpelo. Kunsooko mumaasio uutaki wa kĩNzua utimĩĩlĩkile.

² Kangĩ namona zĩ mpiani ya nanza ya kĩlolelo naalĩsaalĩnkĩĩne numooto, nĩndĩo naalĩ adulile ĩnimu nunzegamĩla waakue niyalo lya liina liakue, ĩĩmĩkile pananza nya kĩlolelo, atĩĩte nsumbĩ za kĩNzua mumĩkono.

³ Ndĩo iĩmba ĩliĩmbo lya kĩMusa, mwĩtumi wa kĩNzua, nĩliĩmbo lya Muana-nkolo naaiũga, “Ukulu, kangĩ wa ukulĩlua uutendi waako, Ee shekulu Nzua, Mukola ngũlũ zensi! Za kulukuuluu kangĩ za tai-taaii injĩla zaako, ee Mutemi wa ndugu!

⁴ Waani nasikukoopokile, ee Shekulu, nukwikulia ĩliina liako? Kunsooko ue wing'ene dũũ wĩmuelu. Kuitĩ indugu tũlũ zikiiiza nukukukutekela ntongela yaako, Kunsooko uutendi waako wa kulukuuluu wakunukuĩlue.”

⁵ Pĩna nazikĩla izi namona, laaa, ĩnumba ya kĩNzua ihyeema lya ukuĩli mwigyulu nigyulua,

⁶ nĩamalaĩka mupũngatĩ akola makuo mupũngati naapũna munumba ya kĩNzua, ajialue ntiila nankakũ nanzelu, atũngue muikũa yaao mĩsipi ya zahabũ.

⁷ Umuĩ wa iyumbe inĩĩ naipanga nuapeela ĩamalaĩka mupũngatĩ isheme mupũngatĩ ya zahabũ, ijuile uutaki wa kĩNzua nakuuza mupanga sunga ĩkalĩ nakalĩ;

⁸ ĩnumba ya kĩNzua nijuligua ĩliuki nalĩpũnile kuukulu wa kĩNzua ningũlũ zaakue. Nayĩĩ kutilĩ kamuntu naalusũũmile kwiingĩla muNumba ya kĩNzua, sunga matimĩĩligue ĩmakuo mupũngatĩ ma amalaĩka namupungatĩ.