1 Timoteo 2 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

Ulagĩĩlia mumpola za wĩtekeli

¹ Kumuandio gua, nalagĩĩlia mwĩnene nukwilompa, nukwilompeela, nukwishongelia kunsooko ya antu tũlũ,

² nukunsooko ya utemi nĩensi naatĩĩte uukulu; koona kwikyale muuumĩ wa utuulũ nĩmatiliga nikwitengemala kĩĩsa, kumoopoke uNzua nukwigenda mulukũmo naluuza mumpola tũlũ.

³ Kuitĩ yaasio ingĩ iiza, igombigue ntongela ya kĩNzua, Mugũni wĩĩtu,

⁴ nukusiiaa ĩantu tũlũ agũnue nukwilĩnga ĩza tai.

⁵ Kuitĩ uNzua ingĩ umuĩ, numukamantania pakatĩ ya kĩNzua nĩ antu ingĩ umuĩ, uzo namuntu uKilisito Yesu;

⁶ alĩ wĩsuulile umuene, wĩĩ kĩkomoli kunsooko ya antu tũlũ, nuukuĩli waakue alĩ upũnigue pityũngo liakue.

⁷ Nineene alĩ numuĩĩkue ntũle mutanantia wa mumpola zaasio, kangĩ mutumua; (ntambuĩle ĩtai, sika ntambuĩle kaulongo), ntũle mumania wa ndugu nazĩngĩ mumpola za usuĩĩli nĩtai.

⁸ Luulo gua nsiile tũlũ pensi ĩagoosia alompe, ĩanansuĩle mĩkono namieluu, ĩkutilĩ kautaki ninkungumi;

⁹ iio-iioo nĩasungu ĩoogeelie kuwĩtũngĩ naũjĩpĩĩle, wa kukũmba iipuĩ, mulugendo naluuza, sika kuutaa matũmbĩ, katia kuzahabũ nilũũlũ katia ntiila za ngele nankakũ,

¹⁰ ĩpa gua, ĩoogeelie kuutendi nauuza, kĩna ĩijĩpĩĩle ĩasuungu naakukũmuula kĩna akumukulagiaa uNzua.

¹¹ uMusungu nwĩmanie muutuulũ kuuniinupia wensi.

¹² Sika ng'ombile umusungu kwimania sunga kukumudemela umugoosia, ĩpa wĩĩ wĩĩlĩ muutuulũ.

¹³ Kuitĩ uAdamu alĩ muumbue tangua, nuEwa pembele;

¹⁴ nuAdamu sika alĩ mupembeeligue; ĩpaumusungu alĩ mupembeeligue, nutũla mutimuli.

¹⁵ Ĩpa itĩ ukigũnĩka kunzĩla ya wĩleli waakue, kanga ikyale muusuĩĩli nuuloogua nuweelu palumuĩ nukukĩtema ĩeene.