Yonaŧ 2 - Mankanya

Pñehan pi Yonaŧ añehanuŋ Naşibaţi

¹ Kë Yawe Nawat Kabuka aşë yil uţëb uweek kë ubi ayoor Yonaŧ, ado ŋnuur ŋwajanţ na ŋŧejan ŋwajanţ du kayiŋ ki wa.

² Du kayiŋ ki uţëb, Yonaŧ añehan Nawat Kabuka Naşibaţi i ajaaŋ adëman

³ aji : « Iwi Yawe Nawat Kabuka, dhuuran adu'u wal wi nwooŋ ţi unoor wi naan kë iŧeemën ; du mnkeţ mi nwooŋ ddu'u iţënkën kë iŧiinkën.

⁴ Ifëlën du bdëk, du dko di badiilnuŋ, meel kë manfooyën ; ido kë ŋmaaroŋ bŧi ŋakkobën.

⁵ Kë nji nşë şal aji : Iwi Nawat Kabuka, nji wi, adookana alow këş ki nu ! Kë nşë luŋ kawin katoh kaweek kayimanaan ki nu.

⁶ Meel mambanën te ţi kaţuţ, bdëk bawunën, kë ugof ufooyën bkow.

⁷ Dwala te du dko di bdëk badiilnuŋ ; awo wo ji ñaaŋ anwooŋ ţi inkuŋ uţeeh, dul di di ilëman yi mnkeţ iniiganuŋ ţi kafeţ ki naan te mndani. Kë iwi, Nawat Kabuka Naşibaţi i njaaŋ kadëman, işë pënanaan najeb du bhër bweek.

⁸ Iwi Yawe Nawat Kabuka dleşu, wal wi nji kayaaŋ pkeţ, kë pñehan pi naan paban te du iwi, du dko dyimanaan di ifëţuŋ.

⁹ Banknţaşuŋ iko inaaf inwooŋ iinwo Naşibaţi, baanji balowan lowan ŋleef ŋi baka bnuura bi nu i ?

¹⁰ Kë nji nşë luŋ kadolu iţeŋan kabeebu pa bnuura bi idolnuŋ, dluŋ kado iko yi nji nhoŋuŋ. Mënţ iwi Nawat Kabuka ijaaŋ kbuuran bañaaŋ i ? »

¹¹ Kë Yawe Nawat Kabuka aşë ţiini na uţëb, kë ugaŧ Yonaŧ du pkay.