Kañaam 67 - Mankanya

Ŋñehan Naşibaţi awul nja bnuura

¹ Kayeeh ki pñaamarën Naşibaţi ki kapënna ţi ulibra wi najukan uyeeh. Kaji kayeeh başë kakob bko banwooŋ na ital. Kayeeh.

² Dñehan Naşibaţi añaga nja, awul nja bnuura, adiiman nja kaara di nul. Pnaţ ntiinku

³ Hënk nja ŋwooŋ ţi mboş ŋhilna ŋyikrën bgah bi nu, işë ibuuran ŋŧaak bŧi.

⁴ Iwi Naşibaţi, bañaaŋ badoon kabeebu ! Iwi Naşibaţi, bañaaŋ bŧi badoon kabeebu !

⁵ Ŋŧaak ŋawoon ţi mnlilan, ŋahuuran mnlilan mi ŋa ; iji kwayëş bañaaŋ pwayëş pŧool kaşë kaţoŋ ŋŧaak. Pnaţ ntiinku

⁶ Iwi Naşibaţi, bañaaŋ badoon kabeebu ! Iwi Naşibaţi, bañaaŋ bŧi badoon kabeebu !

⁷ Mboş manji manwul ŋdeey ; iwi Naşibaţi ŋñehanu iwul nja bnuura !

⁸ Iwi Naşibaţi ŋñehanu iwul nja bnuura ; ŋñehanu bañaaŋ bŧi te du ŋŧaak ŋanlownuŋ bado kadëmanu.