Kañaam 53 - Mankanya

Banfiyaaruŋ na Naşibaţi i baka ţi umundu unŧokiiŋ

1 Kayeeh ki pñaamarën Naşibaţi ki kapënna ţi ulibra wi najukan iyeeh. Pŧeen. Kayeeh ki Dayiţ .

¹ Kayeeh ki pñaamarën Naşibaţi ki kapënna ţi ulibra wi najukan iyeeh. Pŧeen. Kayeeh ki Dayiţ.

² Ñaaŋ napën aji ji ţi uşalul : Naşibaţi aanwoo ! Bukal bŧi baŧokaa, bado iko iwuţaan maakan ; nin aloŋ ţi baka aanji do bnuura.

³ Naşibaţi awo du baţi duuţ aşë ten bañaaŋ bajën katen me awin ţi baka ñaaŋ aloolan anwooŋ na uşal, ñaaŋ anklaaŋ Naşibaţi.

⁴ Bukal bŧi bapën ţi bgah, banaakiir ado iko iţop ; nin aloŋ ţi baka aanji do bnuura, nin aloolan ţi baka.

⁵ Bado buţaan bŧi bawoha na ŋşal i ? Pŧok pntaali pi Naşibaţi paji payoj ţi baka jibi ñaaŋ ajaaŋ adoh kapoom ; baanji badëmana.

⁶ Buk bukuŋ alënk akat kat, kë nin uko uloŋ uunwoo ; Naşibaţi aluŋ kafiŋ başooradu karatan imoh yi baka ţi mboş ; iluŋ kakowandën baka ţiki Naşibaţi adek baka kafeţ.

⁷ In akwoonuŋ du ubeeka wi Ŧiyoŋ kabuuran pntaali pi Iŧrayel ? Wi Naşibaţi akbuuranuŋ pntaali pi nul, babuk Yakob baluŋ kawo ţi mnlilan, babuk Iŧrayel baluŋ kawo ţi mnlilan.