Kañaam 43 - Mankanya

Pţu mnhaţ ţi Yawe Nawat Kabuka

¹ Iwi Naşibaţi, wayëşaan na bañaaŋ banwooŋ baanji badëmanu, yeenkaraan ţi kadun ki bañaaŋ baţilan, baguuru.

² Iwi Naşibaţi ijaaŋ kbeelën, kë we ukaaŋ kë iwutanaan ? We ukaaŋ kë nji kapoş ajooţan kë başoorad naan bakhajanaan ?

³ Wulaan bjeehi bi nu, ţupaan manjoonan mi nu, nhilna mban du pnkuŋ pyimanaan pi nu, du dko dyimanaan di ifëţuŋ.

⁴ Iwi Naşibaţi, dluŋ kaya du dko dyimanaan di nu, du iwi inwooŋ mnlilan na mnŧaŋ mi naan. Iwi Naşibaţi, Naşibaţi i naan, dluŋ kakob koora kadëmanaanu.

⁵ Hakadi ! Iwi uhaaş naan, we wi ibaaŋ ajooţan ba ? Wel wi ibaaŋ aţëga ba ? Haţan ţi Naşibaţi ! Dluŋ kabeebu kak, iwi injaaŋ kbuuranaan akuţ awo Naşibaţi i naan.