Kañaam 4 - Mankanya

Nahaţan ţi Naşibaţi

¹ Kayeeh ki pñaamarën Naşibaţi ki kapënna ţi ulibra wi najukan uyeeh. Kaji kayeehna na bko banwooŋ na ital. Kayeeh ki Dayiţ.

² Iwi Naşibaţi nawayëş naŧool, jaan kŧiinkën woli dhuuran adu'u ! Woli dwo ţi unoor, ijaaŋ kbuuranaan. Ţënkaan ţënk, jaan kŧiinkën woli dñehanu !

³ An babuk biinţ, nado kabeeh mndëm mi naan te lum ba ? Nado kaţaş iko iwaaŋ udooni te lum ba ? Nado kala ŋţilan te lum ba ? Pnaţ ntiinku

⁴ Nameen kë Yawe Nawat Kabuka aji dat ñaaŋ anjaaŋ aŧiinka ; woli ddu'a, aji ŧiinkën.

⁵ Woli nadoo deebaţ, nawutan kajuban ; naţiiniin ţi uhaaş wi nan meeţ, wi nawooŋ du kalişa na uŧejan, naşë nayomp. Pnaţ ntiinku

⁶ Nadolan iţeŋan jibi bgah bajakuŋ ; naţuun mnhaţ mi nan bŧi ţi Nawat Kabuka.

⁷ Baŧum baji baji : « In akluŋ kado nja ŋwin bnuura ? » Iwi Nawat Kabuka, dolan bjeehi bi kaara di nu bawinana ţi un.

⁸ Iji kţu ţi uhaaş wi naan mnlilan ; iwulën mnlilan mampeluŋ mi bajaaŋ bawoonaan wal wi bakaaŋ ŋdeey na poot akëşan.

⁹ Woli dpiinţa piinţ, dji kaŋoyënţ bnuura ; iwi Yawe Nawat Kabuka ţañ ijaaŋ kyeŋën bnuura.