Kañaam 32 - Mankanya

Ñaaŋ i Nawat Kabuka amiiruŋ ipekadu anuurandëni

1 Kayeeh ki pñaamarën Naşibaţi ki Dayiţ

¹ Kayeeh ki pñaamarën Naşibaţi ki Dayiţ Ñaaŋ i Yawe Nawat Kabuka amiiruŋ pjuban anuurandëni ; ñaaŋ i Nawat Kabuka apënanuŋ ipekadu anuurandëni.

² Ñaaŋ i Nawat Kabuka awooŋ aanţo afën ipekadu anuurandëni ; ñaaŋ anwooŋ aanwo na kaguuru ţi uşal anuurandëni.

³ Wal bŧi wi nwooŋ mënţup aji djubani, dji kabi wo wo ţi mnţëg, imoh yi naan bŧi kë iyoji.

⁴ Nfa na utaakal kañen ki nu kaji kawo ţi nji duuţ, kë nji kawo ji kanah ki bnuur batëruŋ kë kalewi. Pnaţ ntiinku

⁵ Dţupu pekadu di naan, mëmmenu pjuban pi naan. Dji ţi uşal : « Dya kaţup Nawat Kabuka pjuban pi naan », kë iwi işë miirën pjuban pi naan, ipënan ipekadu yi naan. Pnaţ ntiinku

⁶ Ukaaŋ kë bañaaŋ biki nu bŧi bawo kañehanu, wi bayikrënuŋ kë bajubani. Woli meel mandoo par aniink dko bŧi, maankbanaara ban baka.

⁷ Iwi iwooŋ dko di njaaŋ kamennaana, iji kbuuranaan phaajala, ido kë bañaaŋ bafooyën ayeeh mnlilan mi pbuur. Pnaţ ntiinku

⁸ Ijakën aji : « Dluŋ kajukanu, kayuuju bgah bi iwooŋ kaţaş ; dluŋ kado kaţaŋu, kawuli'u.

⁹ Nawutan kawo ji umpëlënŧ këme ubuuru unwooŋ uunwo na uşal, wi bajaaŋ batan kabot kakiin uwutna kañogu. »

¹⁰ Ñaaŋ i buţaan aji yewla kë Nawat Kabuka aşë ji boof ñaaŋ anhaţuluŋ na uŋal wi nul unwooŋ uunkba.

¹¹ An nanwooŋ baŧool ţi këş ki Nawat Kabuka, nalilaan ţi a, nalilaan ! An bŧi nanwooŋ baŧool ţi ŋhaaş ŋi nan, nayeehan mnlilan !