Kañaam 23 - Mankanya

Nawat Kabuka awooŋ nayafan i naan

1 Kayeeh ki pñaamarën Naşibaţi ki kapënna ţi ulibra wi Dayiţ

¹ Kayeeh ki pñaamarën Naşibaţi ki kapënna ţi ulibra wi Dayiţ Iwi Yawe Nawat Kabuka iwooŋ nayafan i naan, mënkwaaŋ nin uko uloŋ.

² Du dko di pjaagal panuurnaaniiŋ, dul di di ijaaŋ kñooţën pnoorfën ; du dko di meel mnjoob manwooŋ, dul di di ijaaŋ kñooţën.

³ Ijoobnţënaan uhaaş aţu'ën ţi bgah bŧool, katimu kadëmna.

⁴ Woli ddoo poş du bdëm bi bnjiir, mënji kalënk ţiki iwi iwo na nji : iji kţoŋën kabot kabeelën, waŋ uktëŋţënaanuŋ.

⁵ Idolën ufeŧtu du katohu kë başoorad naan banaţ aten, iyeenkën du katohu aţu'ën ukëra ulil pţëkëñ ţi bkow, pnkalame pi naan paŧum adoo tula.

⁶ Aa, bnuura bi nu na mñaga mi nu manwo na nji ŋnuur bŧi ; iwi Yawe Nawat Kabuka, dduka ţi katohu te mnţo.