Kañaam 15 - Mankanya

In akluŋ kafëţ du pnkuŋ pyimanaan pi nu ?

Kayeeh ki pñaamarën Naşibaţi ki kapënna ţi ulibra wi Dayiţ

¹ Iwi Yawe Nawat Kabuka in akluŋ kaneej du dko dyimanaan di nu ? In akluŋ kafëţ du pnkuŋ pyimanaan pi nu ?

² Ñaaŋ i nin ñaaŋ awooŋ aanhil pţup uko uwuţaan ţi a a, ñaaŋ anjaaŋ ado iko iŧool a, ñaaŋ anjaaŋ aţup manjoonan na uhaaşul bŧi a.

³ Aanji do mntum kaţupna buţaan ţi bañaaŋ, aanji do aŧënţul buţaan, aanji kar aŧënţul.

⁴ Aji pok banwooŋ bawuţaan ţi këş ki iwi Nawat Kabuka, aji dëman banjaaŋ baţaşu aanji kak kafeţ ţi uko wi amehniiŋ.

⁵ Aanji ţeeţan itaka yi nul kayoonk baluka umpeluŋ, aanji dinan baluka ataparaan bţup anwooŋ aando nin uko uloŋ. Ñaaŋ anjaaŋ ado haŋ aji mëban kaliinŧ.