Kañaam 14 - Mankanya

Banfiyaaruŋ na Naşibaţi i baka ţi umundu unŧokiiŋ

1 Kayeeh ki pñaamarën Naşibaţi ki kapënna ţi ulibra wi najukan iyeeh. Kayeeh ki Dayiţ .

¹ Kayeeh ki pñaamarën Naşibaţi ki kapënna ţi ulibra wi najukan iyeeh. Kayeeh ki Dayiţ. Ñaaŋ nayila aji ji ţi uşalul : Naşibaţi aanwoo ! Bukal bŧi baŧokaa, bado iko inţopuŋ maakan ; nin aloŋ ţi baka aanji do bnuura.

² Yawe Nawat Kabuka awo du baţi duuţ aşë ten bañaaŋ bajën katen me awin ţi baka ñaaŋ aloolan anwooŋ na uşal, ñaaŋ anklaaŋ Naşibaţi.

³ Bukal bŧi baneemi, banaakiir ado iko iţop, nin aloŋ ţi baka aanji do bnuura, nin aloolan ţi baka.

⁴ Bado buţaan bŧi bawoha na ŋşal i ? Pŧok pntaali pi Nawat Kabuka paji payoj ţi baka jibi ñaaŋ ajaaŋ adoh kapoom, baanji badëmana.

⁵ Baluŋ kalënk kakat kat, Naşibaţi aji wo ţi ploolan na pntaali pi nul.

⁶ Baji baŋal pŧok mnhaţ mi bajuuk, kë başë mennaana du Nawat Kabuka.

⁷ In akwoonuŋ du ubeeka wi Ŧiyoŋ kabuuran pntaali pi Iŧrayel ? Mënţ Nawat Kabuka akbuuranuŋ pntaali pi nul i ? babuk Yakob baluŋ kawo ţi mnlilan, babuk Iŧrayel baluŋ kawo ţi mnlilan.