Kañaam 12 - Mankanya

Uţup wi Nawat Kabuka ţi pŧoof pi bado buţaan

1 Kayeeh ki pñaamarën Naşibaţi ki kapënna ţi ulibra wi najukan iyeeh. Kaji kayeehna na bko banwooŋ na ital bakreŋ. Kayeeh ki Dayiţ .

¹ Kayeeh ki pñaamarën Naşibaţi ki kapënna ţi ulibra wi najukan iyeeh. Kaji kayeehna na bko banwooŋ na ital bakreŋ. Kayeeh ki Dayiţ.

² Iwi Yawe Nawat Kabuka, buuraanun, bañaaŋ banjaaŋ baŧiinku babaa, bañaaŋ banjaaŋ baţup uţup unjoonanuŋ babaa.

³ Andoli aji ţup aŧënţul ŋţilan kawo na kaguuru ţi mntum kawo na ŋşal ŋtëb.

⁴ Iwi Nawat Kabuka ŧokan banwooŋ na kaguuru ţi mntum, falan pndemënt pankhompuŋ.

⁵ Ŧokan banjakuŋ aji : « Ŋluŋ kawat na pndemënt pi nun ; ŋka mntum mi nun ; in akşihuŋ un keeri ? »

⁶ Bajuuk biki bakhajanuŋ, na bawaaŋ banknţëgiiŋ, bakaaŋ kë iwi Nawat Kabuka iţiini aji : dnaţa, abuuran ñaaŋ i bawuukuŋ atot.

⁷ Iwi Nawat Kabuka, ŋţup ŋi nu ŋawo ŋţup ŋanwooŋ ŋjinţ piş, ŋawo ji unŧaam umpënnuŋ ţi mboş anaj ŋyaaş paaj na uloŋ ajinţan.

⁸ Iwi Nawat Kabuka, iluŋ kayeŋan baka, iluŋ kabuuranun ţi bañaaŋ bawuţaan mënţ te mnţo.

⁹ Bañaaŋ bawuţaan mënţ bañaay na dko, ala pwinana. Kë iko iwuţaan maakan işë dëma dëm pya ţi dko.