Kañaam 1 - Mankanya

Bgah bnuura na bgah bwuţaan

¹ Ñaaŋ anwooŋ aanji ŧiink ŋţup ŋi bado buţaan, anuurandëni. Ñaaŋ anwooŋ aanji ţaş bgah bi bado buţaan, anuurandëni. Ñaaŋ anwooŋ aanji ţo na bambeehuŋ Yawe Nawat Kabuka anuurandëni.

² Ul, pjukan pi Nawat Kabuka pajaaŋ pawula mnlilan ; pjukan pi Nawat Kabuka pi pi ajaaŋ aţu uşal pnak na uŧejan.

³ Ñaaŋ mënţ awo ji bko baññoguŋ katant, abuk ţi wal wi bawooŋ i kabuk, itoh yi ba iinji ilew ; ñaaŋ mënţ iko bŧi yi ajaaŋ ado iji iţëp bnuura.

⁴ Kë uşë wo uunwo haŋ ţi bado buţaan, baji bawo ji plëfar pi uyook ujaaŋ ufuuţ.

⁵ Ukaaŋ kë baankluŋ kaka uko uţup ţi unuur wi pwayëş ; baankluŋ kaţo ţi dko dloolan na baŧool.

⁶ Yawe Nawat Kabuka aji yeŋ bañaaŋ baŧool, kë bañaaŋ banjaaŋ bado buţaan başë luŋ kaneem.