Psom 98 - Kreol Morisyen OT Portions

Lesegner Bondie, Lerwa liniver

Enn Psom.

¹ Anou sant enn nouvo sante pou LESEGNER ki finn fer bann explwa merveye! Zis ar so pouvwar ek so lafors sakre li finn sorti viktorye.

² LESEGNER ti anons so laviktwar e li ti revel so lazistis devan tou bann nasion.

³ Li ti rapel so lamour infini e so fidelite anver lepep Izrael. Lemond antie temwin laviktwar nou Bondie.

⁴ Later, larg lavwa pou dir zot lazwa dan LESEGNER; kriye zot lazwa ar bann sante ek lamizik.

⁵ Sant grander LESEGNER ar lagitar; zwe sitar ek bann zoli melodi.

⁶ Servi tronpet e servi son kor pou selebre lazwa devan Lerwa, LESEGNER.

⁷ Ki lamer gronde, avek tou saki viv ladan; lemond avek tou so abitan.

⁸ Tap zot lame, bann larivier imans; bann montagn, sant zot lazwa ansam

⁹ dan prezans LESEGNER ki pe vini pou gouvern lemond. Li pou gouvern lemond dan lazistis, e bann pep avek drwatir.