Psom 43 - Kreol Morisyen OT Portions

Lapriyer enn dimoun an-exil

¹ O Bondie, pran mo par; proklam mo inosans, defann mwa kont bann dimoun infidel; delivre mwa dan grif bann manter ek move dimoun.

² Tomem Bondie ki mo protekter! Kifer to finn abandonn mwa? Kifer mo bizin kontinie soufer persekision mo lennmi?

³ Avoy to lalimier ek to laverite; fer zot gid mwa lor sime ki amenn nou ver Sion, montagn sakre, e dan to Tanp kot to reste.

⁴ Lerla mo pou al divan to lotel, O Bondie, twa ki lasours mo boner. Ar sitar mo pou sant to louanz, O Bondie, mo Bondie!

⁵ Kifer mo tris koumsa? Kifer traka touf mwa? Mo bizin met mo lesperans dan Bondie e kontinie loue li, mo Sover e mo Bondie.