Psom 133 - Kreol Morisyen OT Portions

Larmoni e lakorite

Enn kantik pou pelerinaz.

¹ Ala li zoli la! Sa ki enn plezir sa! Lepep Bondie viv dan larmoni ek lakorite!

² Li parey kouma delwil parfime ki finn verse lor latet, ki koule lor labarb, lor labarb Aaron, ki desann lor kol so manto.

³ Li osi parey kouma laroze Montagn Ermon ki desann lor kolinn Sion. Labamem LESEGNER finn promet so benediksion: lavi pou touzour.