Psom 130 - Kreol Morisyen OT Portions

Ed mwa, Segner Bondie

Enn kantik pou pelerinaz.

¹ Depi profonder mo dezespwar mo kriye twa, SEGNER.

² O Segner, tann mo lavwa! Ekout mo lapriyer, mo sipliy twa ed mwa!

³ SEGNER, si to ti gard enn lalis tou nou pese, kisannla ti pou kapav res dan to prezans?

⁴ Akoz to aksepte pardonn nou, nou dwa twa respe e reverans.

⁵ Ar inpasians mo atann led LESEGNER e mo lesperans li dan so parol.

⁶ Ar inpasians mo pou atann larive Lesegner plis ki gardien-aswar pare pou atann gramatin vini, plis ki gardien-aswar pare pou atann gramatin vini.

⁷ Izrael, met to lesperans dan LESEGNER! Lamour LESEGNER li infini e li ena gran pouvwar pou sov nou.

⁸ Limem ki pou liber so pep Izrael depi tou so bann pese.