Psom 125 - Kreol Morisyen OT Portions

Sekirite lepep Bondie

Enn kantik pou pelerinaz.

¹ Bann ki met zot konfians dan LESEGNER zot kouma Montagn Sion ki personn pa kapav sakouye, li res la pou touzour.

² Parey kouma montagn ankadre Zerizalem LESEGNER ankadre so pep aster, pli divan ek toultan.

³ Bann dirizan ki swiv lemal pa pou ena pouvwar toultan dan pei ki apartenir ar bann ki viv ladrwatir, sinon dimoun ki drwat pou tranp so lame dan lemal, dan krim.

⁴ SEGNER, montre to bonte ar dimoun ki bon; beni bann ki ena lazistis dan zot leker.

⁵ Kan to sas bann azan lemal, pini osi bann ki finn abandonn bon sime. Ki Izrael beni ar lape!