Psom 123 - Kreol Morisyen OT Portions

Pitie nou, Segner Bondie

Enn kantik pou pelerinaz.

¹ Segner, mo lev mo lizie ver twa, lao ver lesiel kot to diriz tou depi to tronn.

² Kouma enn serviter depann lor so patron e enn servant depann lor so patronn, nou, nou pou kontinie rod to faver, SEGNER nou Bondie, ziska ki to grasie nou.

³ Pitie, SEGNER, pitie, nou finn ase gagn maltrete.

⁴ Nou fatige, nou plin, ar bann ris ki mepriz nou, ar bann arogan ki imilie nou.