Psom 120 - Kreol Morisyen OT Portions

Ed mwa Segner Bondie!

Enn kantik pou pelerinaz.

¹ Dan mo detres, mo ti dimann led LESEGNER e li ti ekout mo lapriyer.

² Sov mwa SEGNER kont lalev manter, kont labous tronper.

³ Eh bann manter! Ki Bondie pou fer ar zot? Ki kalite pinision li finn rezerve pou zot?

⁴ Pers zot ar fles fite. Bril zot ar labrez.

⁵ Li vreman malere ki mo viv parmi bann sovaz Mesek, ki mo bizin viv omilie bann barbar Kedar.

⁶ Mo finn viv tro lontan ar dimoun ki kont lape!

⁷ Mwa mo kontan lape, me kan mo koz lape, zot, zot swazir lager.