Psom 1 - Kreol Morisyen OT Portions

PREMIE LIV PSOM (Psom 1-41 ) Sime vre boner

¹ Bienere sa dimoun ki pa ekout konsey bann ki fer lemal, ki pa swiv sime dimoun ki fer pese, ki pa asiz ar dimoun vantar.

² Okontrer li gagn plezir dan lalwa LESEGNER, e lanwit-lizour li medit lor so lansegnman.

³ Li kouma enn pie ki pous danbor dilo, ki raport so fri dapre so sezon e so fey res toultan ver. Sa dimoun ere la li toultan prospere.

⁴ Me bann dimoun move pa koumsa; zot kouma lasann lapay ki balye par divan.

⁵ Bann move dimoun pou kondane dan zizman, bann ki fer pese pa pou rant dan lasanble lepep Bondie.

⁶ LESEGNER protez e gid lavi dimoun ki zis, me bann ki fer move pou zwenn lapert ek lamor.