Psom 93 - Nouvo Testaman Kreol Morisien Harmonisation NTPS KM

Lesegner, limem Lerwa liniver

¹ LESEGNER, limem lerwa, li anvlope par mazeste divinn, LESEGNER ena mazeste ek pwisans kouma enn tinik rwayal. Li finn etabli lemond bien ferm, pena li bouze.

² To tronn pa konn koumansman kouma twa to ti la avan koumansman letan.

³ Bann vag leve dan losean, O SEGNER, zot leve, zot kriye for-for, zot leve, zot kime ar laraz feros.

⁴ Me LESEGNER so pouvwar pli for ki tapaz lamer, pli pwisan ki vag feros.

⁵ To lalwa li eternel, SEGNER! To Tanp li sakre pou leternite!