Psom 87 - Nouvo Testaman Kreol Morisien Harmonisation NTPS KM

Louanz pou Zerizalem

Enn Psom. Enn sante ki sorti dan fraternite Kore.

¹ LESEGNER ti konstrir so lavil lor montagn sakre;

² plis ki ninport ki lot plas dan Izrael li kontan so lavil Zerizalem.

³ Bann parol ranpli ar laglwar pe koze lor twa, lavil Bondie.

⁴ “Mo pou mansionn Lezip ek Babilonn kan mo fer lalis bann nasion ki obeir mwa; Mo pou azout Filisi, Tir, ek Etiopi.”

⁵ Lor Sion li pou dir, “Sa enn la, sa lot la, zot tou finn ne laba” parski Bondie Pli Lao ki konsolid li.

⁶ LESEGNER pou fer enn lalis tou bann pep, e pou dekrete ki zot tou finn ne laba.

⁷ Tou dimounn danse ek sante, “Sion limem lasours tou benediksion.”